CREDAI અમદાવાદ- GAHEDના ઉપક્રમે 6-8 જાન્યુઆરી દરમ્યાન 17મો GAHED પ્રોપર્ટી શૉ યોજાશે

અમદાવાદઃ CREDAI અમદાવાદ- GAHEDના ઉપક્રમે તા. 6,7,8 જાન્યુઆરી દરમ્યાન ગણેશ ગ્રાઉન્ડ થલતેજ, અમદાવાદ ખાતે ૧૭માં GAHED પ્રોપર્ટી શોનું આયોજન કરવામાં આવ્યું છે. જેમાં 65થી વધુ ડેવલોપર્સ અમદાવાદના વિવિધ વિસ્તારોમાં આવેલાં 250થી વધુ પ્રોજેક્ટ્સ ડિસ્પ્લે કરશે. શોની ખાસિયત એ હશે કે તેમાં રૂ. 25 લાખથી માંડીને રૂ. 10 કરોડ સુધીની કિંમતના એફોર્ડેબલથી માંડી મિડસાઇઝ, લક્ઝરિયસ, પ્રિમિયમ, એક્સ્ટ્રા લક્ઝરિયસ એપાર્ટમેન્ટ્સથી સહિત એક એકથી ચડિયાતી કોમર્શિયલ પ્રોપર્ટીને ડિસ્પ્લે કરવામાં આવશે. એટલુંજ નહિં, આ શોમાં વિવિધ બેન્કો, સંબંધિત ઇન્ડસ્ટ્રીઝ પ્રતિનિધિઓ, વિદેશથી આવેલાં 5 લાખથી વધુ  નોન રેસિડેન્સિયલ ગુજરાતીઓ (એનઆરજીઓ) પૈકીના સંખ્યાબંધ લોકો તેમાં ભાગ લઇ રહ્યા હોવાનું સંસ્થાના પ્રેસિડેન્ટ તેજસ જોશીએ જણાવ્યું હતું.

આ સંસ્થાકીય આયોજનમાં ડેવલપર્સ, નાણાંકીય સંસ્થાઓ તથા એલાઈડ ઈન્ડસ્ટ્રીઓ સહિત કુલ ૬૫ સ્ટોલ્સ કરવામાં આવેલ છે. નવું ઘર વસાવવા માટે શહેરીજનોને એક જ છત્રમાં બધા જ પ્રકારના સેગ્મેન્ટના પ્રોજેકટોની વિસ્તૃત માહિતી મળી રહે અને પ્રોપર્ટી ખરીદનારને તમામ સુવિધાઓ સહેલાઈથી પ્રાપ્ત થાય તેવું આયોજન કરવામાં આવેલ છે.

પ્રોપર્ટીની ડિમાન્ડમાં વાર્ષિક ધોરણે 10-15 ટકાની વૃદ્ધિ

ગુજરાતના મુખ્ય શહેરોમાં અમદાવાદ શહેર સંખ્યાબંધ દ્રષ્ટિએ જેમ કે, ડેવલોપમેન્ટ, ફાઇનાન્સિયલ હબ ઉપરાંત રિયાલ્ટી સેક્ટરમાં નીચી કિંમતના આકર્ષણ સહિતની બાબતોમાં અગ્રીમ સ્થાન ધરાવે છે. એટલુંજ નહિં, પ્રોપર્ટીની ડિમાન્ડમાં વાર્ષિક ધોરણે 10-15 ટકા વૃદ્ધિ ધરાવે છે. આ બધી બાબતો ઉપર ફોકસ રાખીને ડેવલોપર્સ પ્રવર્તમાન જરૂરિયાત અને ચોઈસને ધ્યાને રાખી ચારેય બાજુથી શહેરનું વિકાસ અને વિસ્તરણ અત્યાધુનિક રીતે કરતાં રહ્યા છે.

અન્ય મેટ્રો સિટી કરતાં અમદાવાદ પ્રોપર્ટી માર્કેટ સસ્તું

કોરોના કાળ પછી દરેક પ્રકારના રો મટીરીયલમાં વધારો થયેલ છે તેમ છતાં અમદાવાદ શહેરમાં ઉપલબ્ધ પ્રોપર્ટીના ભાવોમાં ખાસ કોઈ વધારો કરવામાં આવેલ નથી. દેશના અન્ય મેટ્રો સીટીની સરખામણીમાં આજે પણ અમદાવાદ શહેરમાં પ્રોપર્ટીઓના ભાવ ખૂબજ રીઝનેબલ છે. ગુજરાતમાં રોજગારીની વિપુલ તકો હોવાથી કાયમી સ્થાઈ થવા અમદાવાદ તરફ લોકો વધુ આકર્ષિત થાય છે. ખાસ કરીને અમદાવાદની આજુ બાજુમાં ગીફ્ટ સીટી, ફાર્માપાર્ક,  લોજિસ્ટિક પાર્ક જેવા વિશાળ પ્રોજેકટ્સ ડેવલપ થઈ રહ્યા છે અને આઈ. ટી. પોલીસીના અમલને કારણે નજીકના ભવિષ્યમાં આઈ. ટી. પાર્કસ આવશે.

યુવા રોકાણકારો અમદાવાદમાં ઘરનું સ્વપ્ન સાકાર કરે છે

25 થી 45 વર્ષના યુથ અત્યારે અમદાવાદમાં પોતાનું ઘર લઈ રહ્યા છે તેમજ ભારતમાં રહેતા ગુજરાતીઓ અમદાવાદમાં ઘર વસાવી રહ્યા છે તેના કારણે દર વર્ષે હાઉસીંગ સેકટર સહિત પ્રોપર્ટી માર્કેટમાં 10 થી 15% ની માંગમાં વધારો જોવા મળી રહેલ છે અને તેથી દર વર્ષે અમદાવાદમાં દરેક સેગ્મેન્ટમાં વધુ પ્રોજેકટ આવી રહ્યા છે અને ડેવલપમેન્ટ ફાસ્ટ બન્યું છે. આમ જોતા GAHED પ્રોપર્ટી શો અમદાવાદની એક આગવી ઓળખ છે જેમાં શહેરીજનો અને નજીકના શહેરોમાંથી લાખો લોકો મુલાકાતે આવતા હોય છે. લોકોને પોતાનું ઘર વસાવવાની તમામ માહિતી એકજ સ્થળેથી ઉપલબ્ધ થાય તે હેતુસર સંસ્થા દ્વારા તા. 6-7-8 જાન્યુઆરીના સમય દરમ્યાન ગણેશ ગ્રાઉન્ડ થલતેજ અમદાવાદ ખાતે 17માં GAHED પ્રોપર્ટી શોનું આયોજન કરવામાં આવ્યું છે