ભારતનો પહેલો અસેમ્બલી કોન્સ્ટિટયુન્સી લેવલ સ્ટાર્ટઅપ ફેસ્ટિવલ વેજલપુરમાં યોજાશે 

સકસેસફુલ સ્ટાર્ટઅપનું સન્માન કરાશે અને નવા ઉભરતા સ્ટાર્ટઅપને માર્ગદર્શન અપાશે

અમદાવાદ, 31 જાન્યુઆરીઃ આઝાદીના ૭૫ વર્ષના ગાળામાં કૃષિ, ઇન્ફ્રાસ્ટ્રકચર અને ઈન્ફર્મેશન ટેક્નોલૉજીનો સમયાંતરે સમયગાળો રહ્યો. આવનારા ૨૫ વર્ષ એ સ્ટાર્ટઅપના ૨૫વર્ષ હશે. જેમાં દેશના પ્રધાનમંત્રી શ્રી નરેન્દ્ર્ભાઈ મોદીના આહ્વાન પ્રમાણે ભારતનો યુવાન “જોબ સિકર નહીં પરંતુ જોબ ગીવર” બનશે તેમ વેજલપુર વિધાનસભાના ધારાસભ્ય અમિતભાઈ ઠાકરે પ્રેસ કોન્ફરન્સને સંબોધતા જણાવ્યુ હતું.

કેન્દ્રીય ગૃહ-સહકાર મંત્રી અમિતભાઈ શાહ અને મુખ્યમંત્રી ભૂપેન્દ્ર્ભાઈ પટેલ ઉદ્ઘાટન કરશે

મજબૂત હ્યુમન ઇન્ફ્રાસ્ટ્રકચર ઉભું થાય તેમાં યોગદાન આપવાના આશયથી વેજલપુર વિધાનસભામાં વસતા યુવાનો પોતાના સ્ટાર્ટઅપ માટે સન્માન મેળવે નવા ઉભરતા સ્ટાર્ટઅપ માટે તેમને બધા જ પ્રકારે માર્ગદર્શન મળે અને તેમને સરકાર તથા પ્રાઈવેટ ઇન્વેસ્ટર તરફથી આર્થિક મદદ મળે તેવા આશય સાથે “વેજલપુર સ્ટાર્ટઅપ ફેસ્ટિવલ” નું આયોજન કરાયું છે. YMCA ક્લબ ખાતે તારીખ ૦૩ ફેબ્રુઆરી ૨૦૨૪ ને શનિવારના સવારે ૦૯:૩૦ કલાકે કેન્દ્ર્ના ગૃહ-સહકાર મંત્રી અમિતભાઈ શાહના હસ્તે તથા રાજ્યના મુખ્યમંત્રી ભૂપેન્દ્રભાઇ પટેલની ઉપસ્થિતિમાં “વેજલપુર સ્ટાર્ટઅપ ફેસ્ટિવલ” નું ઉદ્ઘાટન થશે. જેમાં ટેકનિકલ શેસન, સ્ટાર્ટઅપ પ્રદર્શનનું ઉદ્ઘાટન લાઇવ પીચિંગ, મેંટર સાથે વાર્તાલાપ જેવા વિભિન્ન શેસન રાખવામા આવેલ છે. WWW.VEJALPURSTARTUP.COM ઉપર સતત રજીસ્ટ્રેશન નો પ્રવાહ જારી છે. જેમાં સ્ટાર્ટઅપ મેન્ટર, ઇન્વેસ્ટર તરીકે ૧૦૦૦ થી વધારે રજીસ્ટ્રેશન થઈ ચૂક્યા છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)