IPO ઝોનઃ આ સપ્તાહે 6 નવા IPO ખુલશે અને 12 લિસ્ટિંગ માટે સજ્જ

અમદાવાદ, 15 સપ્ટેમ્બરઃ 15 સપ્ટેમ્બરથી શરૂ થતા નવા સપ્તાહ દરમિયાન રૂ. 1,325.6 કરોડના 6 નવા IPO પ્રાઇમરી માર્કેટમાં એન્ટ્રી લેવા આવી રહ્યા છે, જ્યારે 12 કંપનીઓ તેમના આઇપીઓ લિસ્ટિંગ કરાવવા માટે તૈયાર છે. કુલ 6માંથી, 3 IPO મેઇનબોર્ડ અને 3 આઇપીઓ SME સેગમેન્ટમાંથી હશે.

મેઇનબોર્ડ સેગ્મેન્ટના આઇપીઓ એટ એ ગ્લાન્સ

યુરો પ્રતીક સેલ્સઃ મેઇનબોર્ડ સેગમેન્ટમાં, ડેકોરેટિવ પેનલ્સ અને લેમિનેટનું માર્કેટર અને વેચાણકર્તા, પ્રતીક સેલ્સ, ત્રણમાંથી પ્રથમ હશે, જે 16 સપ્ટેમ્બરના રોજ સબ્સ્ક્રિપ્શન માટે રૂ.451 કરોડના જાહેર ઇશ્યૂને 235-247 પ્રતિ શેરના પ્રાઇસ બેન્ડ સાથે ખોલશે.

VMS TMT  TMT બાર નિર્માતા VMS TMT 17 સપ્ટેમ્બરના રોજ રૂ.149 કરોડના પ્રારંભિક શેર વેચાણને લોન્ચ કરશે. ઓફર માટે પ્રાઇસ બેન્ડ રૂ. 94-99 પ્રતિ શેર નક્કી કરવામાં આવ્યો છે.

iValue Infosolutions બેંગલુરુ સ્થિત ટેકનોલોજી સર્વિસીસ અને સોલ્યુશન્સ એગ્રીગેટર પણ આગામી સપ્તાહે 18 સપ્ટેમ્બરના રોજ તેનો રૂ. 560 કરોડનો પ્રથમ જાહેર ઇશ્યૂ ખોલશે, જેની કિંમત પ્રતિ શેર રૂ. 284-299 છે.

એસએમઇ સેગ્મેન્ટમાં ત્રણ આઇપીઓ એટ એ ગ્લાન્સ

TechD સાયબર સિક્યુરિટીઃ SME સેગમેન્ટમાં, વિજય કેડિયા-સમર્થિત સાયબર સિક્યુરિટી સોલ્યુશન્સ પ્રોવાઇડર TechD સાયબર સિક્યુરિટી 15 સપ્ટેમ્બરના રોજ તેનો રૂ. 39 કરોડનો IPO લોન્ચ કરશે. ઓફર માટે પ્રાઇસ બેન્ડ રૂ. 183-193 પ્રતિ શેર નક્કી કરવામાં આવ્યો છે.

Sampat Aluminium એલ્યુમિનિયમ પ્રોડક્ટ્સ ઉત્પાદક 17-19 સપ્ટેમ્બર દરમિયાન રૂ. 30.5 કરોડ એકત્ર કરી રહી છે. ઇશ્યૂ માટે પ્રાઇસ બેન્ડ રૂ. 114-120 પ્રતિ શેર છે.

JD કેબલ્સઃ કેબલ્સ અને વાયર ઉત્પાદક SMEsમાં છેલ્લો હશે, જે 18 સપ્ટેમ્બરના રોજ ખુલશે. કંપનીએ જાહેર ઇશ્યૂ દ્વારા રૂ. 144-152 પ્રતિ શેરના પ્રાઇસ બેન્ડ સાથે રૂ. 96 કરોડ એકત્ર કરવાનો પ્રસ્તાવ મૂક્યો છે.

એરફ્લોઆ રેલ ટેકનોલોજીઃ 62 વખત સબસ્ક્રાઇબ કર્યું છે, તે 15 સપ્ટેમ્બરના રોજ તેનો IPO બંધ કરશે, જ્યારે LT એલિવેટર પબ્લિક ઇશ્યૂ 16 સપ્ટેમ્બર સુધી સબ્સ્ક્રિપ્શન માટે ખુલ્લો રહેશે, જેમાં અત્યાર સુધીમાં 65 ટકા સબ્સ્ક્રિપ્શન નોંધાયું છે.

આ સપ્તાહના લિસ્ટિંગ એટ એ ગ્લાન્સઃ અર્બન કંપની, દેવ એક્સિલરેટર, શ્રૃંગાર

મેઇન બોર્ડ સેગમેન્ટમાંથી, ત્રણેય કંપનીઓ – અર્બન કંપની, ડેવ એક્સિલરેટર અને શ્રૃંગાર હાઉસ ઓફ મંગલસૂત્ર – 17 સપ્ટેમ્બરના રોજ BSE અને NSE પર બજારમાં પ્રવેશ કરશે, 10-12 સપ્ટેમ્બર દરમિયાન તેમના IPO ને મજબૂત સબ્સ્ક્રિપ્શન મળ્યું હતું. અર્બન કંપનીનો પબ્લિક ઇશ્યૂ 103.63 વખત સબ્સ્ક્રાઇબ થયો હતો, જ્યારે ડેવ એક્સિલરેટર અને શ્રૃંગાર હાઉસ ઓફ મંગલસૂત્રના IPO માં અનુક્રમે 64 વખત અને 60 વખત સબ્સ્ક્રાઇબ થયા હતા.

SME સેગમેન્ટ ખૂબ જ વ્યસ્ત રહેશે કારણ કે 9 નવી કંપનીઓ શેરબજારમાં ટ્રેડિંગ માટે ઉપલબ્ધ થશે, જેમાં વશિષ્ઠ લક્ઝરી ફેશન 15 સપ્ટેમ્બરે પહેલીવાર લોન્ચ થશે. આ પછી કૃપાલુ મેટલ્સ, નીલાચલ કાર્બો મેટાલિક્સ, કાર્બનસ્ટીલ એન્જિનિયરિંગ અને ટૌરિયન MPSનું લિસ્ટિંગ 16 સપ્ટેમ્બરે થવાનું છે, જ્યારે જય અંબે સુપરમાર્કેટ અને ગેલેક્સી મેડિકેરના શેરનું ટ્રેડિંગ 17 સપ્ટેમ્બરથી શરૂ થશે. એરફ્લોઆ રેલ ટેકનોલોજી અને LT એલિવેટર અનુક્રમે 18 સપ્ટેમ્બર અને 19 સપ્ટેમ્બરના રોજ લોન્ચ થશે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)