માર્કેટ લેન્સઃ જિયો- પોલિટિકલ ક્રાઇસિસના ઓછાયા હેઠળ ખૂલતામાં મંદીનો માહોલ જોવા મળી શકે, પરંતુ વેચવાની ઉતાવળ કરવી નહિં, નિફ્ટી માટે સપોર્ટ 22440- 22360, રેઝિસ્ટન્સ 22663- 22806

અમદાવાદ, 15 એપ્રિલઃ ઇઝરાયેલ-ગાઝા બાદ હવે ઇઝરાયેલ- ઇરાન વચ્ચે પણ જિયો-પોલિટિકલ ક્રાઇસિસ સર્જાવાના અહેવાલો વચ્ચે વૈશ્વિક શેરબજારોની કામચલાઉ સ્થિતિ ડામાડોળ બની છે. જેના કારણે ગીફ્ટ નિફ્ટી પણ 134.50ની નરમાઇ સૂચવે છે. તેના કારણે ભારતીય શેરબજારોમાં સેન્સેક્સ અને નિફ્ટી નેગેટિવ નોટ સાથે ખુલે તેવી શક્યતા છે. માર્કેટમાં ખૂલતાંમાં ભારે અફરા-તફરી જોવા મળી શકે છે. પરંતુ તેનાથી ગભરાઇને વેચવાની ઉતાવળ નહિં કરવાની નાના રોકાણકારોને ખાસ સલાહ અપાઇ રહી છે.

GIFT નિફ્ટીમાં વલણો 134.50 પોઈન્ટના વધારા સાથે વ્યાપક ઈન્ડેક્સ માટે નબળી શરૂઆત સૂચવે છે. 12 એપ્રિલના રોજ સેન્સેક્સ 793.25 પોઇન્ટ અથવા 1.06 ટકા ઘટીને 74,244.90 પર અને નિફ્ટી 50 234.40 પોઇન્ટ અથવા 1.03 ટકા ઘટીને 22,519.40 પર હતો. ટેકનિકલ ઇન્ડિકેટર્સ સૂચવે છે કે નિફ્ટી માટે સપોર્ટ લેવલ્સ 50 22498, 22446 અને 22,360ના સ્તરે જણાય છે. જ્યારે રેઝિસ્ટન્સ લેવલ્સ 22540, 22721 અને 22,806ના લેવલ્સ ધ્યાનમાં રાખવાની સલાહ ટેકનિકલ નિષ્ણાતો આપી રહ્યા છે.

રિલાયન્સ સિક્યુરિટીઝના ટેકનિકલ રિસર્ચ રિપોર્ટ અનુસાર નિફ્ટી માટે સપોર્ટ 22440- 22360, રેઝિસ્ટન્સ 22663- 22806 પોઇન્ટની સપાટીઓ ધ્યાનમાં રાખવાની સલાહ મળી રહી છે.

સ્ટોક્સ ટૂ વોચઃએસ્ટરડીએમ, ગ્રેન્યુઅલ્સ, નાલ્કો, હિન્દાલકો, પેટ્રોનેટ, એનટીપીસી, ડીક્સોન, વેદાન્તા, ઇન્ડિયનહોટલ્સ

સેક્ટર્સ ટૂ વોચઃ પાવર, મેટલ, એલ્યુમિનિયમ, પીએસયુ, આઇટી- ટેકનોલોજી, હેલ્થકેર, ઓટો- ઓટો એન્સિલરી

બેન્ક નિફ્ટી માટે તાત્કાલિક સપોર્ટ 48000 અને તાત્કાલિક રેઝિસ્ટન્સ 49000

નિફ્ટી બેન્ક હાલમાં 49,000 માર્ક પર મજબૂત રેઝિસ્ટન્સનો સામનો કરી રહ્યો છે, અને આ સ્તરની ઉપર માત્ર નિર્ણાયક બંધ જ 50,000 માર્ક તરફના તેજીના વલણને આગળ કરી શકે છે. બેંક નિફ્ટી 48,487 અને ત્યારબાદ 48,391 અને 48,236 પર સપોર્ટ લે તેવી અપેક્ષા છે. જ્યારે 48,602 પર ત્યારબાદ 48,892 અને 49,047ની સપાટીઓ રેઝિસ્ટન્સ લેવલ્સ ધ્યાનમાં રાખવાની ટેકનિકલ એનાલિસ્ટ્સ સલાહ આપી રહ્યા છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)