Shangar Decor લિમિટેડનો રૂ. 49.35 કરોડનો ઇશ્યૂ 6 ડિસેમ્બરે બંધ થશે

અમદાવાદ, 26 નવેમ્બર: Shangar Decor લિમિટેડ (BSE–540259)નો રૂ. 49.35 કરોડનો રાઇટ્સ ઇશ્યૂ 8 નવેમ્બર, 2024ના રોજ સબ્સ્ક્રીપ્શન માટે ખૂલ્યો હતો. રાઇટ્સ ઇશ્યૂ દ્વારા મેળવાયેલા ફંડ્સનો કંપનીની કાર્યશીલ મૂડી જરૂરિયાતો, ઇશ્યૂના ખર્ચ તથા સામાન્ય કોર્પોરેટ હેતુઓ માટે ઉપયોગ કરવામાં આવશે. કંપનીનો રાઇટ ઇશ્યૂ શેર દીઠ રૂ. 5.76ના ભાવે ઓફર કરવામાં આવ્યો છે જેની સામે 21 નવેમ્બર, 2024ના રોજ શેરનો બંધ ભાવ શેર દીઠ રૂ. 10.08 હતો. રાઇટ્સ ઇશ્યૂ 06 ડિસેમ્બર, 2024ના રોજ બંધ થશે. રાઇટ્સ અધિકારોનો ઓન-માર્કેટ ત્યાગ કરવાની છેલ્લી તારીખ 29 નવેમ્બર, 2024 છે. રોકાણકારો કંપનીના રાઇટ્સ ઇશ્યૂમાં ભાગ લઇને બજારમાંથી રાઇટ્સ હકો પણ ખરીદી શકે છે.

Shangar Decor Limited

કંપની પ્રત્યેક રૂ. 5ની ફેસ વેલ્યુના 8,56,82,800 ફુલ્લી પેઇડ-અપ ઇક્વિટી શેર્સ પ્રત્યેક રૂ. 5.76ના ભાવે કેશમાં ઇશ્યૂ કરશે જેનું કુલ મૂલ્ય રૂ. 49.35 કરોડ થાય છે. સૂચિત ઇશ્યૂ માટે રાઇટ્સ એન્ટાઇટલમેન્ટ રેશિયો 7:1 છે (લાયક ઇક્વિટી શેરધારકો દ્વારા રેકોર્ડ તારીખ 28 ઓક્ટોબર, 2024ના રોજ રાખવામાં આવેલા દરેક 1 ફુલ્લી-પેઇડ ઇક્વિટી શેર માટે પ્રત્યેક રૂ. 5ના 7 રાઇટ ઇક્વિટી શેર્સ). રાઇટ્સ એન્ટાઇટલમેન્ટ માટેના ઓન માર્કેટ હકો ત્યાગ કરવાની છેલ્લી તારીખ 29 નવેમ્બર, 2024 છે. ઇશ્યૂમાંથી મળનારી આવક પૈકી કંપની રૂ. 37.81 કરોડ કાર્યશીલ મૂડીની જરૂરિયાતો માટે, રૂ. 25 લાખ રાઇટ્સ ઇશ્યૂના ખર્ચ માટે અને રૂ. 11.29 કરોડ સામાન્ય કોર્પોરેટ હેતુઓ માટે ખર્ચ કરવાનો ઇરાદો રાખે છે.

Shangar Decor લિમિટેડ 1995માં સ્થપાયેલી વિવિધ પ્રકારની ડેકોર સર્વિસીઝ પૂરી પાડવામાં શ્રેષ્ઠતા ધરાવે છે. કંપની પ્રી-વેડિંગ ઇવેન્ટ્સ, લગ્નો, કોર્પોરેટ કાર્યક્રમો, સરકારી કાર્યક્રમો, થિમેટિક ડેકોર, ઇન્ફ્રાસ્ટ્રક્ચર પ્રોજેક્ટ્સ અને પ્રદર્શનોમાં નિષ્ણાંત છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)