સુઝલોને જિંદાલ રિન્યુએબલ્સ સાથેનો તેનો C&I ઓર્ડર 204.75 મે.વો. વિસ્તાર્યો

પુણે, 6 માર્ચ: સુઝલોને જિંદાલ રિન્યુએબલ્સની પેટાકંપની જિંદાલ ગ્રીન વિન્ડ 1 પ્રાઇવેટ લિમિટેડ પાસેથી 204.75 મેગાવોટનો ત્રીજો ઓર્ડર મેળવ્યો છે, જેણે ભારતમાં નીચી CO₂ સ્ટીલ ક્રાંતિને વધુ વેગ આપ્યો છે. આ ભાગીદારી હવે 907.20 મેગાવોટની સંચિત ક્ષમતા સાથે સુઝલોનનો સૌથી મોટો વાણિજ્યિક અને ઔદ્યોગિક (C&I) ઓર્ડર પણ છે. અગાઉ સુઝલોને છત્તીસગઢ અને ઓડિશામાં જિંદાલ સ્ટીલના પ્લાન્ટને પાવર આપવા માટે બે ઓર્ડર મેળવ્યા હતા, જેમાં 702.45 મેગાવોટની વિન્ડ એનર્જીનો ઉમેરો કરવામાં આવ્યો છે. હાલમાં સુઝલોનની કુલ ઓર્ડર બુકમાં C&I ગ્રાહકોનો હિસ્સો 59 ટકા છે, જે હવે રેકોર્ડ 5.9 ગીગાવોટ સુધી પહોંચી ગયો છે – જે કંપનીના ઇતિહાસમાં સૌથી વધુ છે.

આ નવા ઓર્ડર અંતર્ગત સુઝલોન હાઇબ્રિડ લેટીસ ટાવર્સ (એચએલટી) સાથે 65 અત્યાધુનિક એસ144 વિન્ડ ટર્બાઇન જનરેટર્સ (ડબલ્યુટીજી) સપ્લાય કરશે, જે દરેકની રેટેડ ક્ષમતા 3.15 મેગાવોટની ક્ષમતા છે. આ ઉત્પાદિત ઊર્જાનો ઉપયોગ છત્તીસગઢ અને ઓડિશા સ્થિત સ્ટીલ પ્લાન્ટમાં કેપ્ટિવ વપરાશ માટે કરવામાં આવશે.

સુઝલોન ગ્રુપના વાઇસ ચેરમેન ગિરીશ તંતીએ જણાવ્યું હતું કે, હવે અમે નીચા  CO₂ સ્ટીલ અભિયાનને તામિલનાડુ સુધી વિસ્તારી રહ્યા છીએ, જે પવન ઊર્જા ક્ષેત્રે અગ્રણી છે. અમે સંયુક્તપણે ભારતમાં સ્થાયી ઔદ્યોગિક વૃદ્ધિના ભવિષ્યને પુનઃવ્યાખ્યાયિત કરી રહ્યા છીએ.

જિંદાલ રિન્યુએબલ્સના પ્રેસિડેન્ટ ભરત સક્સેનાએ જણાવ્યું હતું કે, સુઝલોન સાથેનો આ ત્રીજો ઓર્ડર સાતત્યપૂર્ણ પદ્ધતિઓ પ્રત્યેની અમારી પ્રતિબદ્ધતા અને સૌથી મોટા ડિ-કાર્બનાઇઝેશન સોલ્યુશન પ્રદાતા બનવાની અમારા વિઝનનું પ્રતિબિંબ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)