BANDHAN BANK નો બિઝનેસ 11 ટકા વધીને રૂ. 2.88 લાખ કરોડ

અમદાવાદ,18 જુલાઇ: બંધન બેંકે નાણાકીય વર્ષ 2025-26ના પ્રથમ ક્વાર્ટર માટે તેના નાણાકીય પરિણામોની જાહેરાત કરી છે. બેંકનો કુલ બિઝનેસ 11 ટકા વધીને લગભગ રૂ. 2.88 લાખ કરોડ થયો છે. બેંકનો કુલ ડિપોઝિટમાં રિટેઇલનો હિસ્સો હવે લગભગ 68 ટકા જેટલો છે. પ્રથમ ક્વાર્ટરમાં પ્રોત્સાહક વૃદ્ધિ ડિસ્ટ્રિબ્યુશનમાં વિસ્તરણ, બિઝનેસ કાર્યક્ષમતામાં સુધારો અને અનુકૂળ ઓપરેટિંગ માહોલને આભારી છે. નાણાકીય વર્ષ 2025-26ના પ્રથમ ક્વાર્ટર માટે ચોખ્ખો નફો રૂ. 372 કરોડ નોંધાયો છે.

બેંક હવે ભારતના 36 રાજ્યો અને કેન્દ્રશાસિત પ્રદેશોમાંથી 35માં 6,350 બેંકિંગ આઉટલેટ્સ દ્વારા 3.14 કરોડથી વધુ ગ્રાહકોને સેવા પૂરી પાડે છે. બંધન બેંકના કુલ કર્મચારીઓની સંખ્યા લગભગ 72,000 છે.

નાણાકીય વર્ષ 2026ના પ્રથમ ક્વાર્ટરમાં બેંકના ડિપોઝિટ બેઝમાં વાર્ષિક 16 ટકાની વૃદ્ધિ નોંધાઇ છે અને હવે ડિપોઝિટ બુક રૂ. 1.55 લાખ કરોડ છે. આ સમયગાળામાં કુલ એડવાન્સિસ રૂ. 1.34 લાખ કરોડ છે. કરન્ટ એકાઉન્ટ એન્ડ સેવિંગ્સ એકાઉન્ટ (કાસા) રેશિયો હવે કુલ ડિપોઝિટ બુકના 27.1 ટકા નોંધાયો છે. બેંકની સ્થિરતાનું સૂચક મૂડી પર્યાપ્તતા રેશિયો (સીએઆર) 19.4% ટકા છે, જે નિયામકીય જરૂરિયાતોથી વધુ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)