CDSL-KPMG ઈન્ડિયાના રિપોર્ટમાં સિક્યોરિટીઝ માર્કેટની ડેટા આધારિત પરિવર્તન પર ભાર મૂકાયો

મુંબઈ, 19 માર્ચ:  સેન્ટ્રલ ડિપોઝિટરી સર્વિસીસ (ઈન્ડિયા) લિમિટેડે (“CDSL”) ભારતમાં કેપીએમજી સાથેના સહયોગમાં, આ વર્ષની શરૂઆતમાં યોજાયેલા તેના ત્રીજા વાર્ષિક રિઇમેજિન સિમ્પોઝિયમ પછી, “Reimagine: Securities Market through Data Synergy” ટાઇટલ હેઠળના તેના રિઇમેજિન થોટ લીડરશીપ રિપોર્ટની ત્રીજી એડિશન રજૂ કરી છે. આ રિપોર્ટ ભારતના સિક્યોરિટીઝ માર્કેટ ઇકોસિસ્ટમમાં ડેટા-આધારિત પરિવર્તનને માર્ગદર્શન આપવા માટે ક્રિએશન-કંટ્રોલ-કલ્ચર (3C) ફ્રેમવર્કની દરખાસ્ત કરે છે.

ભારતના સિક્યોરિટીઝ માર્કેટમાં રોકાણકારોની ભાગીદારીમાં ઝડપી વધારો થઈ રહ્યો છે. હાલમાં ઘરેલુ ભાગીદારી આશરે 20 ટકા હોવાનો અંદાજ છે, જે યુનાઇટેડ સ્ટેટ્સ જેવા વધુ પરિપક્વ બજારોની તુલનામાં ભવિષ્યના વિકાસ માટે નોંધપાત્ર અવકાશ છોડે છે તથા વધી રહેલી રોકાણકારોની સંખ્યા સમગ્ર દેશમાં નાણાંકીય સમાવેશને વધુ ગાઢ બનાવવા અને રોકાણકારોની જાગૃતિને મજબૂત કરવાની મજબૂત તક રજૂ કરે છે.

આ રિપોર્ટ ચાર મુખ્ય તકો ધરાવતા ક્ષેત્રો રજૂ કરે છે જ્યાં ડેટા ઇકોસિસ્ટમને બદલી શકે છે: મજબૂત પ્રાઇઝ ડિસ્કવરી અને ક્યુરેટેડ પ્રોડક્ટ્સ, મોટાપાયે વ્યક્તિગત રોકાણકારોનો અનુભવ, સુધારેલી રિસ્ક ઇન્ટેલિજન્સ અને છેતરપિંડી નિવારણ તેમજ નિયમનકારી ટેકનોલોજી (રેગટેક) અને સુપરવાઇઝરી ટેકનોલોજી (સુપટેક) દ્વારા વધુ ચપળ દેખરેખ.

ડેટા નાણાંકીય બજારોની કરોડરજ્જુ બની રહ્યો છે, તેથી આ રિપોર્ટ નિયમનકારો, માર્કેટ ઇન્ફ્રાસ્ટ્રક્ચર સંસ્થાઓ, મધ્યસ્થી અને રોકાણકારો વચ્ચે સંકલિત કાર્યવાહીની જરૂરિયાત પર ભાર મૂકે છે જેથી વિકસિત ભારતના વિઝનને ટેકો આપી શકે તેવી એક સ્થિતિસ્થાપક અને વિશ્વસનીય ડેટા ઇકોસિસ્ટમ બનાવી શકાય.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)