Company results: કેનેરા બેંકનો Q1 ચોખ્ખો નફો 11% વધી રૂ.3905.28 કરોડ

 અમદાવાદ, 25 જુલાઇઃ કેનેરા બેંકે 25 જુલાઈના રોજ ચાલુ નાણાકીય વર્ષના પ્રથમ ત્રિમાસિક ગાળામાં ચોખ્ખા નફામાં 10.5 ટકાનો વધારો કરીને રૂ. 3,905.28 કરોડ નોંધ્યો હતો. ક્રમિક રીતે, ચોખ્ખો નફો 4 ટકા વધ્યો હતો. બેન્કનો ગ્રોસ નોન-પર્ફોર્મિંગ એસેટ (NPA) રેશિયો જૂન ક્વાર્ટરમાં 4.14 ટકા હતો જે અગાઉના ક્વાર્ટરમાં 4.23 ટકા અને એક વર્ષ અગાઉના ગાળામાં 5.15 ટકા હતો. ધિરાણકર્તાનો નેટ એનપીએ રેશિયો માર્ચ ક્વાર્ટરમાં 1.27 ટકાથી ઘટીને 1.24 ટકા અને Q1FY24માં 1.57 ટકા થયો હતો.

જ્યોતિ લેબ્સનો Q1 ચોખ્ખો નફો વધી રૂ. 102 કરોડ

જ્યોતિ લેબ્સ લિમિટેડે જૂન ક્વાર્ટરમાં રૂ. 101.7 કરોડનો ચોખ્ખો નફો નોંધાવ્યો હતો જે અગાઉના વર્ષના સમાન ગાળામાં રૂ. 96.3 કરોડ હતો. માર્ચ ક્વાર્ટરમાં ચોખ્ખો નફો રૂ. 78.16 કરોડ થયો હતો, એમ કંપનીએ એક્સચેન્જ ફાઇલિંગમાં જણાવ્યું હતું. કંપનીએ વાર્ષિક ધોરણે રૂ. 742 કરોડની આવકમાં 8 ટકાનો વધારો નોંધાવ્યો હતો. અગાઉના ક્વાર્ટરમાં આવક રૂ. 660 કરોડ હતી. ગ્રોસ માર્જિન 51.3 ટકા પર છે જે એક વર્ષ અગાઉના ગાળામાં 47.9 ટકા હતો.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)