HDFC બેંક અને VINFAST ઑટો ઇન્ડિયા એ ઇલેક્ટ્રિક વાહનોના ઑટો અને ઇન્વેન્ટરી ફાઇનાન્સિંગ માટે કરાર કર્યો

અમદાવાદ, 12 ઑગસ્ટ: HDFC બેંક અને VINFAST ઑટો ઇન્ડિયાએ ભારતમાં ગ્રાહકો અને ખાસ ડીલરો માટે ઑટો અને ઇન્વેન્ટરી ફાઇનાન્સિંગ માટેના એક મેમોરેન્ડમ ઑફ અંડરસ્ટેન્ડિંગ (એમઓયુ) પર હસ્તાક્ષર કર્યા છે. વિનફાસ્ટ ઑટો ઇન્ડિયા એ ઇલેક્ટ્રિક વાહનોની વૈશ્વિક અગ્રણી વિનફાસ્ટની ભારતીય પેટાકંપની છે, જે વિયેતનામના સૌથી મોટા ખાનગી ઉદ્યોગસમૂહ વિનગ્રૂપનો એક હિસ્સો છે. આ MOU કે જે ભારતમાં કોઈ બેંકિંગ સંસ્થા સાથે વિનફાસ્ટનો પ્રથમ એમઓયુ છે, તેનો ઉદ્દેશ્ય ભારતમાં વિનફાસ્ટના લૉન્ચિંગ પહેલાં ખામીરહિત ક્રેડિટ સોલ્યુશન્સ પૂરાં પાડવાનો છે.

આ જોડાણ પાછળનો ઉદ્દેશ્ય બંને બ્રાન્ડની ક્ષમતાઓનો લાભ ઉઠાવીને ગ્રાહકો અને ડીલરો માટે ધિરાણના સર્વગ્રાહી વિકલ્પોનું સર્જન કરવાનો અને ઇવી કાર ખરીદવાની પ્રક્રિયાને અનુકૂળ બનાવવાનો છે. આ કરારના પરિણામે ગ્રાહકો ધિરાણના કસ્ટમાઇઝ્ડ ઉકેલનો લાભ લઈ શકશે, જે ભારતીય ઉપભોક્તાઓની વિશાળ શ્રેણી માટે ઇવીને ખરીદવાનું વધુ સુલભ અને અનુકૂળ બનાવી દેશે.

વિનફાસ્ટ તેના વીએફ 6 અને વીએફ 7 મૉડલના લૉન્ચની તૈયારી કરી રહી છે, ત્યારે આ એમઓયુ હેઠળ ડીઝાઇન કરવામાં આવેલા વિશિષ્ટ પ્રકારના લાભ વિનફાસ્ટના વાહનોની સમગ્ર રેન્જને પણ ઉપલબ્ધ થશે. વિનફાસ્ટ એશિયાના CEO ફામ સાન ચો અને એચડીએફસી બેંકના ઑટો લૉન, ઇન્વેન્ટરી ફાઇનાન્સ અને ટુ-વ્હીલર લૉનના બિઝનેસ હેડ અ ખિલેશ કુમાર રૉયએ આ એમઓયુ પર હસ્તાક્ષર કર્યા હતા. આ પ્રસંગે વિનફાસ્ટ અને એચડીએફસી બેંકના કેટલાક વરિષ્ઠ એક્ઝિક્યુટિવ્સ હાજર રહ્યાં હતાં.

આ એમઓયુ ભારતમાં એક સુદ્રઢ અને ગ્રાહક-કેન્દ્રી ફૂટપ્રિન્ટ સ્થાપવા માટેના વિનફાસ્ટના નિરંતર પ્રયત્નોને દર્શાવે છે. ઑટો લૉન્સે એચડીએફસી બેંકના રીટેલ એસેટ્સ સેગમેન્ટમાં મહત્ત્વપૂર્ણ યોગદાન આપ્યું છે. 30 જૂન, 2025 સુધીમાં બેંકની ઑટો લૉન બૂક રૂ. 1.48 લાખ કરોડથી વધુ હતી.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)