JSW MG મોટર ઇન્ડિયાએ MG વડોદરા ઇન્ટરનેશનલ મેરેથોનમાં 3500 કર્મચારીઓને જોડ્યા

વડોદરા, 5 ફેબ્રુઆરીઃ જેએસડબ્લ્યુ એમજી મોટર ઇન્ડિયાએ એમજી વડોદરા ઇન્ટરનેશનલ મેરેથોનની 12મી આવૃત્તિમાં તેના 3,500 કર્મચારીઓની ભાગીદારી સાથે એક નવો બેન્ચમાર્ક સ્થાપિત કર્યો છે, જે 2 ફેબ્રુઆરી, 2025ના રોજ રવિવારના રોજ યોજાઇ હતી. 12મી આવૃત્તિએ ‘સસ્ટેનેબિલિટી’ની કોર થીમ સાથે વિકસિત ભારત અભિયાનના વિઝનને વધુ મજબૂત બનાવ્યું. આ કાર્યક્રમને માનનીય મુખ્યમંત્રી ભૂપેન્દ્ર પટેલે લીલી ઝંડી આપીને વડોદરા મેરેથોનના સફળત્તમ પબ્લિક-પ્રાઇવેટ પાર્ટનરશીપ મોડેલને પ્રદર્શિત કર્યું હતું. જેએસડબ્લ્યુ એમજી મોટર ઇન્ડિયાના મેનેજિંગ ડિરેક્ટર બીજુ બાલેન્દ્રને જણાવ્યું, કે પર્યાવરણ અનુકૂળ પ્રથાઓને પ્રોત્સાહન આપીને અને હરિત જીવનશૈલી અપનાવવામાં આપણા સમુદાયને ટેકો આપીને, અમે 2029 સુધીમાં કાર્બન ન્યુટ્રાલિટી પ્રાપ્ત કરવાના અમારા લક્ષ્ય તરફ અર્થપૂર્ણ પગલાં લઈ રહ્યા છીએ.”