માર્કેટ લેન્સઃ નિફ્ટી 21910ની સપાટી તોડે તો વધુ ખાના-ખરાબી, ઉપરમાં 22323 મહત્વની રેઝિસ્ટન્સ

અમદાવાદ, 14 માર્ચઃ સેન્સેક્સ અને નિફ્ટી નેગેટિવ ટોન સાથે ખુલે તેવી શક્યતા છે કારણ કે GIFT નિફ્ટીમાં નેગેટિવ ટ્રેન્ડ જારી રહ્યો છે. પરંતુ માર્કેટનું ઓવરઓલ સેન્ટિમેન્ટ તા. 15 માર્ચ સુધી નેગેટિવ રહેવાની શક્યતા બજાર પંડિતો વ્યક્ત કરી રહ્યા છે. બુધવારે સાર્વત્રિક વેચવાલીના કારણે મોટાભાગના ઇન્ડાઇસિસ નેગેટિવ બંધ રહ્યા હતા. ખાસ કરીને મિડ અને સ્મોલકેપ મેલ્ટડાઉન બીજા દિવસે પણ ચાલુ રહેતા રોકાણકારોને ડરાવ્યા હતા. બુધવારે સેન્સેક્સ 906.07 પોઈન્ટ્સ અથવા 1.23 ટકા ઘટીને 72,761.89 પર હતો, જ્યારે નિફ્ટી 338.00 પોઈન્ટ્સ અથવા 1.51 ટકા ઘટીને 21,997.70 પર બંધ હતો. નિફ્ટી 21,910 પર તાત્કાલિક સપોર્ટ લે તેવી શક્યતા છે, ત્યારબાદ 21,782 અને 21,576. ઉચ્ચ બાજુએ, ઇન્ડેક્સને 22,323 પર રેઝિસ્ટન્સનો સામનો કરવો પડી શકે છે, ત્યારબાદ 22,451 અને 22,658 સ્તરો જોવા મળી શકે. માટે રોકાણકારોએ સ્ટોપલોસ અને સ્ટોક સ્પેસિફિક એપ્રોચ સાથે જ આગળ વધવાની સલાહ મળી રહી છે.

સેક્ટર્સ ટૂ વોચઃ મેટલ્સ, કન્સ્ટ્રક્શન, ટેકનોલોજી, એનર્જી

સ્ટોક્સ ટૂ વોચઃ રિલાયન્સ ઇન્ડસ્ટ્રીઝ, ઓઇલ ઇન્ડિયા, ચોલા ઇન્વે., જિયો ફાઇનાન્સ, ટાટા મોટર્સ, ટાટા પાવર, એસબીઆઇ, ITC, IRFC, NHPC, RVNL, SJVN, IREDA

વોલસ્ટ્રીટ સહિત વર્લ્ડ માર્કેટમાં પણ પ્રોફીટ બુકિંગ અને વેચવાલી

બુધવારે એસએન્ડપી 500 અને નાસ્ડેક નીચા સ્તરે હતા કારણ કે રોકાણકારોએ ચિપમેકર શેરોમાં નફો મેળવ્યો હતો, જ્યારે તેઓ ઉત્પાદક ભાવ ડેટા અને આગામી સપ્તાહની ફેડરલ રિઝર્વ મીટિંગ પહેલા ફુગાવાના વલણ પર વધુ સંકેતો માટે તૈયાર હતા. ડાઉ જોન્સ ઈન્ડસ્ટ્રીયલ એવરેજ 37.83 પોઈન્ટ અથવા 0.1 ટકા વધીને 39,043.32 પર છે. S&P 500 9.96 પોઈન્ટ્સ અથવા 0.19 ટકા ઘટીને 5,165.31 પર અને Nasdaq Composite 87.87 પોઈન્ટ્સ અથવા 0.54 ટકા ઘટીને 16,177.77 પર રહ્યા હતા. એશિયન બજારો ગુરુવારે શરૂઆતના કારોબારમાં મિશ્ર કારોબાર કરી રહ્યા હતા જેમાં નિક્કી ઇન્ડેક્સ 0.5 ટકા અને કોસ્પી 0.4 ટકા વધ્યા હતા.

FIIની રૂ. 4596 કરોડની નેટ વેચવાલી સામે DIIની રૂ. 9094 કરોડની ખરીદી

NSEના કામચલાઉ ડેટા દર્શાવે છે કે વિદેશી સંસ્થાકીય રોકાણકારો (FIIs) એ 13 માર્ચે રૂ. 4,595.06 કરોડના શેરનું ચોખ્ખું વેચાણ કર્યું હતું, જ્યારે સ્થાનિક સંસ્થાકીય રોકાણકારો (DIIs) એ 13 માર્ચે રૂ. 9,093.72 કરોડના શેરની ખરીદી કરી હતી.

NSE પર F&O પ્રતિબંધ હેઠળ સ્ટોક

NSE એ આદિત્ય બિરલા ફેશન એન્ડ રિટેલ, હિન્દુસ્તાન કોપર, મણપ્પુરમ ફાઇનાન્સ, નેશનલ એલ્યુમિનિયમ કંપની, પિરામલ એન્ટરપ્રાઇઝિસ, સેઇલ, ટાટા કેમિકલ્સ અને ઝી એન્ટરટેઇનમેન્ટ એન્ટરપ્રાઇઝિસને 14 માર્ચ માટે F&O પ્રતિબંધ સૂચિમાં ઉમેર્યા છે. મહાનગર ગેસને ઉપરોક્ત પ્રતિબંધની યાદીમાંથી દૂર કરવામાં આવી હતી.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)