પ્રાઇડ હોટેલ્સે ગુજરાતમાં હાજરી વિસ્તારી: 20 હોટલ્સ સાથે મજબૂત પ્રદર્શન, આકર્ષક IPOની યોજના

ટકાઉ વૃદ્ધિ, મજબૂત ફંડામેન્ટલ્સ અને ભવિષ્ય માટે તૈયાર હોસ્પિટાલિટી પોર્ટફોલિયો સાથે ટૂંક સમયમાં મૂડીબજારમાં પ્રવેશવાની કંપનીની યોજના

એસ પી જૈન દ્વારા પ્રમોટ કરાયેલા ઘરઆંગણાના હોસ્પિટાલિટી ગ્રુપ પ્રાઇડ હોટેલ્સ લિમિટેડ, ગુજરાત પર મજબૂત ધ્યાન કેન્દ્રિત કરીને તેની મૂડી-કાર્યક્ષમ વિસ્તરણ વ્યૂહરચનાને સતત વેગ આપી રહ્યું છે. ગ્રુપને ભારતની સૌથી ઝડપથી વિકસી રહેલી હોસ્પિટાલિટી ચેઇન તરીકે સન્માનિત કરવામાં આવી છે. આ ગ્રુપ મુખ્ય વ્યવસાય, MICE અને યાત્રાધામ ધરાવતા બજારોમાં વિસ્તરણ કરવાનું ચાલુ રાખે છે.

પ્રાઇડ હોટલ્સ ગ્રૂપના એમડી એસપી જૈને BUSINESSGUJARAT.IN સાથે વાતચીત દરમિયાન જણાવ્યું કે, 1987માં પુણેમાં તેની પ્રથમ હોટેલ સાથે સ્થપાયેલી, પ્રાઇડ હોટેલ્સ એક વૈવિધ્યસભર સ્થાનિક હોસ્પિટાલિટી પ્લેટફોર્મમાં ફેરવાઇ છે, જે હાલમાં ભારતના 32 શહેરોમાં 34  હોટેલ અને રિસોર્ટ ચલાવે છે જેમાં પ્રાઇડ પ્લાઝા, પ્રાઇડ પ્રીમિયર, પ્રાઇડ એલિટ અને બિઝનોટેલ બાય પ્રાઇડ એમ ચાર બ્રાન્ડ્સ હેઠળ 2,723 રૂમ્સ ધરાવે છે. ગુજરાત એક વ્યૂહાત્મક ગ્રોથ ક્લસ્ટર તરીકે ઉભરી આવ્યું છે, જે પ્રાઇડ હોટેલ્સના રાષ્ટ્રીય વિસ્તરણની રૂપરેખામાં એક મુખ્ય આધારસ્તંભ છે. તે ઝડપથી વિસ્તરતા કોર્પોરેટ અને ઔદ્યોગિક એકમો, MICE અને સામાજિક કાર્યક્રમોમાં મજબૂત મોમેન્ટમ તથા સારા એવા આધ્યાત્મિક અને યાત્રાધામ પ્રવાસન બજારો દ્વારા સમર્થિત છે.

કંપની રૂ. 260 કરોડના નવા ઇશ્યૂ અને 3.92 કરોડ શેર્સની ઓએફએસ સાથે મૂડીબજારમાં પ્રવેશશે

પ્રાઇડ હોટેલ્સ લિમિટેડે 30 સપ્ટેમ્બર, 2025 ના રોજ પ્રારંભિક જાહેર ઓફર (IPO) દ્વારા ભંડોળ એકત્ર કરવા માટે SEBI સમક્ષ ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. IPO એક બુક બિલ્ડ ઇશ્યૂ છે જેમાં ₹260.00 કરોડનો નવો ઇશ્યૂ અને 3.92 કરોડ સુધીના ઇક્વિટી શેરની ઓફર ફોર સેલ (OFS) શામેલ છે. ઇક્વિટી શેર NSE અને BSE પર લિસ્ટેડ થવાનો પ્રસ્તાવ છે. મોતીલાલ ઓસ્વાલ ઇન્વેસ્ટમેન્ટ એડવાઇઝર્સ લિમિટેડ બુક રનિંગ લીડ મેનેજર છે અને Kfin ટેક્નોલોજીસ લિમિટેડ ઇશ્યૂના રજિસ્ટ્રાર છે. IPO તારીખો, IPO પ્રાઇસ બેન્ડ્સ અને લોટ સાઇઝ જેવી મુખ્ય વિગતો હજુ જાહેર કરવાની બાકી છે.

ગ્રુપ પહેલાથી જ અમદાવાદ, રાજકોટ, સુરત, વડોદરા, ગીર, દમણ, દ્વારકા, ભરૂચ, બેચરાજી, મોટેરા અને ગાંધીનગર સહિતના મુખ્ય શહેરોમાં હોટેલ્સ ચલાવે છે, જે પ્રાઇડના પોર્ટફોલિયોમાં રાજ્યના વ્યૂહાત્મક મહત્વને દર્શાવે છે.

પ્રાઇડ હોટલ્સ ગ્રૂપના સીઇઓ સત્યેન જૈને જણાવ્યું કે, એસસજી હાઇવે પર સ્થિત પ્રાઇડ પ્લાઝા હોટેલ, અમદાવાદ એ શરૂઆતના બ્રાન્ડેડ ડેવલપમેન્ટ પૈકીની એક હતી, જે ત્યારથી માંડીને હવે એક અગ્રણી કોર્પોરેટ અને હોસ્પિટાલિટી કોરિડોર બની છે. 2005માં શરૂ થયેલી અને 176 રૂમ્સ સાથે કાર્યરત, આ હોટેલમાં પૂલ, જીમ, સ્પા, બેન્ક્વેટ્સ અને 2 રેસ્ટોરન્ટ – Café treat અને સ્પેશિયાલિટી રેસ્ટોરન્ટ Sizzlin Bbq છે. 2025ની શરૂઆતમાં બિઝનોટેલ બાય પ્રાઇડ, મોટેરાનું લોન્ચિંગ અને તાજેતરમાં પ્રાઇડ એલીટ, ગાંધીનગરનો પ્રારંભ અમદાવાદ-ગાંધીનગર વિસ્તારમાં પ્રાઇડ હોટેલ્સની હાજરીને વધુ મજબૂત બનાવે છે, જે અમદાવાદ બજારમાં ગ્રુપની ત્રીજી હોટેલ છે. હોરવાથ ઇન્ડસ્ટ્રી રિપોર્ટ મુજબ, પ્રાઇડ હોટેલ્સ લિમિટેડ અમદાવાદમાં અપસ્કેલ સેગમેન્ટમાં ત્રીજી સૌથી મોટી હોટેલ છે.

ગુજરાતમાં પ્રાઇડ હોટેલ્સનું વિસ્તરણ મેનેજ્ડ પ્રોપર્ટીઝની મજબૂત પાઇપલાઇન દ્વારા સંચાલિત છે, જે ગ્રુપની એસેટ-લાઇટ, મૂડી-કાર્યક્ષમ વૃદ્ધિ વ્યૂહરચના દર્શાવે છે. રાજ્યમાં આગામી પ્રોજેક્ટ્સમાં પ્રાઇડ રિસોર્ટ હાલોલ, પ્રાઇડ પ્રીમિયર રિસોર્ટ પાલિતાણા, પ્રાઇડ રિસોર્ટ વેરાવળ-સોમનાથ, પ્રાઇડ એલિટ રિસોર્ટ હિંમતનગર, પ્રાઇડ એલિટ નવસારી, પ્રાઇડ એલિટ આણંદ અને પ્રાઇડ એલિટ ભૂજનો સમાવેશ થાય છે.

તેની બ્રાન્ડ-આગેવાની હેઠળની વૃદ્ધિ વ્યૂહરચનાના ભાગ રૂપે, પ્રાઇડ હોટેલ્સ પ્રાઇડ પ્લાઝા કરતા ઉપરના સ્તરની એક અપર-અપસ્કેલ બ્રાન્ડ, પ્રાઇડ લક્સ રજૂ કરવાની યોજના ધરાવે છે, જે અનુભવલક્ષી અને ડેસ્ટિનેશન સંચાલિત હોસ્પિટાલિટીની વધતી માંગને પૂરી કરવા માટે તૈયાર કરવામાં આવી છે.

પહેલી પ્રાઇડ લક્સ પ્રોપર્ટી ગુજરાતમાં બનાવવાની યોજના છે અને તેમાં ડેસ્ટિનેશન-થીમ આધારિત વિલા, પ્રાદેશિક રીતે પ્રેરિત ડાઇનિંગ કન્સેપ્ટ્સ, વેલનેસ-આધારિત અનુભવો, ઇમર્સિવ કલ્ચરલ પ્રોગ્રામિંગ સમાવિષ્ટ હશે. પ્રાઇડ લક્સ ગ્રુપના હાલના બ્રાન્ડ પોર્ટફોલિયો પ્રાઇડ પ્લાઝા, પ્રાઇડ પ્રીમિયર, પ્રાઇડ એલિટ અને બિઝનોટેલ બાય પ્રાઇડને પૂરક બનાવશે અને સમગ્ર ભારતમાં પ્રાઇડ હોટેલ્સના સતત વિસ્તરણને ટેકો આપશે. આ ઉમેરા સાથે, પ્રાઇડ હોટેલ્સ સમગ્ર ગુજરાતમાં કુલ 20 હોટલનું સંચાલન કરશે, જે તેને ગ્રુપના સૌથી મહત્વપૂર્ણ પ્રાદેશિક ક્લસ્ટરોમાંનું એક બનાવશે. 30 જૂન, 2025 સુધીમાં, પ્રાઇડ હોટેલ્સ 2,723 રૂમ્સ સાથે 34 હોટેલ ચલાવે છે અને 32 હોટેલ્સ પર સાઇન કરાયેલા મેનેજમેન્ટ કરારો તથા એલઓઆઈના આધારે આશરે 2,341 રૂમ્સ છે. માલિકીની અને એસેટ-લાઇટ મેનેજ્ડ હોટેલ્સનું અમારું સંતુલિત મિશ્રણ અમને મૂડી કાર્યક્ષમતા સાથે સ્કેલ આપે છે.

જેમ જેમ અમે વિસ્તરણના એક નવા ઉત્તેજક તબક્કામાં પ્રવેશ કરી રહ્યા છીએ, તેમ તેમ અમારી મુખ્ય શક્તિઓમાંની એક છે ભારતભરમાં હોટલ અને રિસોર્ટનો અમારો વ્યૂહાત્મક રીતે સ્થિત અને અત્યંત વૈવિધ્યસભર પોર્ટફોલિયો. મુખ્ય વ્યવસાય અને ગેટવે માર્કેટ્સ, હાઇ-ગ્રોથ લેઝર ડેસ્ટિનેશન્સ અને સાંસ્કૃતિક રીતે મહત્વપૂર્ણ યાત્રાધામ કેન્દ્રોમાં સભાનપણે અમારી હાજરી ઊભી કરવામાં આવી છે. આ વૈવિધ્યકરણે અમને સંતુલિત અને સ્થિતિસ્થાપક પોર્ટફોલિયો આપ્યો છે, જેમાં અમારા 67 ટકા રૂમ્સ બિઝનેસ માર્કેટ્સમાં, 18 ટકા લેઝર શહેરોમાં અને 15 ટકા યાત્રાધામ સ્થળોમાં છે, જેનાથી અમે કોર્પોરેટ પ્રવાસીઓ, સરકારી વ્યવસાય, લગ્નો, MICE, સ્થાનિક પ્રવાસન અને સામાજિક ઉજવણીઓમાંથી આખા વર્ષ દરમિયાન માંગ મેળવી શકીશું.

નાગપુર, ભોપાલ, બેંગાલુરુ, રાજકોટ, ભરૂચ, પુણે અને મોટેરામાં આવેલી અમારી હોટેલ્સ અમારા બિઝનેસ-ટ્રાવેલ નેટવર્કની કરોડરજ્જુ છે, જે કોર્પોરેટ, ટ્રાન્ઝિટ, MICE અને પ્રાદેશિક પર્યટનને મજબૂત રીતે સેવાઓ પૂરી પાડે છે.

આજે પ્રાઇડ હોટેલ્સ લિમિટેડ દેશભરમાં 2,723 રૂમ, 50થી વધુ ફૂડ એન્ડ બેવરેજ આઉટલેટ્સ અને 90થી વધુ બેન્ક્વેટ હોલ સાથે સંતુલિત અને મજબૂત ઓપરેટિંગ પોર્ટફોલિયો ધરાવે છે.

તેમણે નાણાંકીય વર્ષ 2024 અને નાણાંકીય વર્ષ 2025માં અમારી સાથી કંપનીઓમાં બીજા ક્રમનું સૌથી વધુ ચોખ્ખા નફાનું માર્જિન નોંધાવ્યું હતું, જે તેમની કાર્યકારી કાર્યક્ષમતા અને શિસ્તબદ્ધ નાણાંકીય અભિગમ દર્શાવે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)