Raajmarg Infra Investment Trust નો IPO 11 માર્ચે ખુલશે, પ્રાઇસબેન્ડ રૂ 99 – 100

અમદાવાદ, 9 માર્ચ: NHAI (નેશનલ હાઇવે ઓથોરિટી ઓફ ઈન્ડિયા) દ્વારા સ્પોન્સર્ડ InvIT, રાજમાર્ગ ઇન્ફ્રા ઇન્વેસ્ટમેન્ટ ટ્રસ્ટ, સ્પોન્સર કોન્ટ્રીબ્યુશન સાથે મળીને 11 માર્ચના રોજ પ્રાઇઝ બેન્ડ રૂ. 99 થી રૂ. 100 સાથે  મૂડીબજારમાં પ્રવેશી રહી છે.રૂ. 60,000 મિલિયન (રૂ. 6,000 કરોડ) સુધીના યુનિટ્સનો IPO 13 માર્ચના રોજ બંધ થશે. એન્કર ઇન્વેસ્ટર બિડિંગ તારીખ 10 માર્ચ છે.એન્કર ઇન્વેસ્ટર્સ અને સ્ટ્રેટેજિક ઇન્વેસ્ટર્સ દ્વારા સબ્સ્ક્રાઇબ કરાયેલા યુનિટ્સ સિવાયના બિડર્સ દ્વારા ઓછામાં ઓછા 150 યુનિટના લોટ માટે અને ત્યારબાદ 150 યુનિટના ગુણાંકમાં બિડ કરી શકાય છે.

ઇશ્યૂમાંથી મળેલી ચોખ્ખી રકમનો ઉપયોગ નીચેના હેતુઓ માટે કરવાનો પ્રસ્તાવ છે: (1) પ્રોજેક્ટ એસપીવીમાં ડેટ અને ઇક્વિટીનું રોકાણ કરવા, જેનો ઉપયોગ પ્રોજેક્ટ એસપીવી દ્વારા એનએચએઆઈ ને InvIT એસેટ્સની કન્સેશન વેલ્યુની ચુકવણી માટે કરવામાં આવશે અને (2) સામાન્ય હેતુઓ માટે.

આ ઇશ્યૂ બુક બિલ્ડિંગ પ્રક્રિયા દ્વારા અને InvIT નિયમો અને SEBI InvIT માસ્ટર સર્ક્યુલરનું પાલન કરીને કરવામાં આવી રહ્યો છે, જેમાં નેટ ઇશ્યૂના મહત્તમ 75 ટકા (સ્ટ્રેટેજિક ઇન્વેસ્ટર પોર્શન સિવાય) ઇન્સ્ટિટ્યૂશનલ ઇન્વેસ્ટર્સને પ્રમાણસર ધોરણે ફાળવણી માટે ઉપલબ્ધ રહેશે. જોકે ઇન્વેસ્ટમેન્ટ મેનેજર, બુક રનિંગ લીડ મેનેજર્સ સાથે ચર્ચા  કરીને, InvIT નિયમો અને SEBI InvIT માસ્ટર સર્ક્યુલર અનુસાર વિવેકાધીન ધોરણે એન્કર ઇન્વેસ્ટર્સને ઇન્સ્ટિટ્યૂશનલ ઇન્વેસ્ટર પોર્શનના 60 ટકા સુધી ફાળવી શકે છે.

InvIT નિયમો અને SEBI InvIT માસ્ટર સર્ક્યુલર અનુસાર, નેટ ઇશ્યૂના લઘુતમ 25 ટકા નોન-ઇન્સ્ટિટ્યૂશનલ ઇન્વેસ્ટર્સને પ્રમાણસર ધોરણે ફાળવણી માટે ઉપલબ્ધ રહેશે, જે માન્ય બિડ્સ ઇશ્યૂ કિંમત પર અથવા તેનાથી ઉપર પ્રાપ્ત થવાને આધીન છે. ટ્રસ્ટના સ્પોન્સર નેશનલ હાઇવે ઓથોરિટી ઓફ ઈન્ડિયા છે. ઇન્વેસ્ટમેન્ટ મેનેજર રાજમાર્ગ ઇન્ફ્રા ઇન્વેસ્ટમેન્ટ મેનેજર્સ પ્રાઇવેટ લિમિટેડ છે અને ટ્રસ્ટી આઈડીબીઆઈ ટ્રસ્ટીશીપ સર્વિસીસ લિમિટેડ છે.

એસબીઆઈ કેપિટલ માર્કેટ્સ લિમિટેડ, એક્સિસ કેપિટલ લિમિટેડ, આઈસીઆઈસીઆઈ સિક્યોરિટીઝ લિમિટેડ અને મોતીલાલ ઓસ્વાલ ઇન્વેસ્ટમેન્ટ એડવાઇઝર્સ લિમિટેડ ઇશ્યૂના બુક રનિંગ લીડ મેનેજર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)E

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)