રિલાયન્સ કેપિટલ: હરાજીનો બીજો રાઉન્ડ 26 એપ્રિલે યોજાશે

નવી દિલ્હી, 18 એપ્રિલઃ રિલાયન્સ કેપિટલના ધિરાણકર્તાઓએ કંપનીની સંપત્તિના વેચાણ દ્વારા મહત્તમ વસૂલાત માટે 26 એપ્રિલે બીજા રાઉન્ડની હરાજી કરવાનો નિર્ણય લીધો છે. જેના કારણે સમયમર્યાદામાં 90 દિવસનો વધારો જરૂરી બન્યો હતો. તેને ધ્યાનમાં રાખીને નેશનલ કંપની લો ટ્રિબ્યુનલ (NCLT)એ રિલાયન્સ કેપિટલ રિઝોલ્યુશન પ્રક્રિયાની સમયમર્યાદા ત્રણ મહિના વધારીને 16 જુલાઈ કરી છે. ધિરાણકર્તાઓ મહત્તમ વસૂલાત માટે હરાજીના બીજા રાઉન્ડ માટે સંમત થયા છે. અગાઉ, આ રિઝોલ્યુશન પ્રક્રિયા પૂર્ણ કરવાની અંતિમ તારીખ 16 એપ્રિલ, 2023 હતી.

રિલાયન્સની સંપત્તિ ખરીદવામાં કોને કોને રસ

હિંદુજા ગ્રૂપની ઇન્ડસઇન્ડ ઇન્ટરનેશનલ હોલ્ડિંગ્સ લિમિટેડ (IIHL), ટોરેન્ટ ઇન્વેસ્ટમેન્ટ્સ અને સિંગાપોર સ્થિત ઓકટ્રી જેવા બિડર્સે હરાજીના બીજા રાઉન્ડમાં ભાગ લીધો છે.

અગાઉ હરાજીના બીજા રાઉન્ડ માટે 11 એપ્રિલ 2023ની તારીખ નક્કી કરવામાં આવી હતી પરંતુ બાદમાં તેને મોકૂફ રાખવામાં આવી હતી અને 26 એપ્રિલની નવી તારીખ નક્કી કરવામાં આવી છે. સૂત્રોએ જણાવ્યું છે કે બિડર્સે રિલાયન્સ કેપિટલના ધિરાણકર્તાઓને રિઝોલ્યુશન પ્રક્રિયામાં નાદારી અને નાદારી કોડ (IBC)નું સંપૂર્ણ પાલન કરવામાં આવે તેની ખાતરી કરવા જણાવ્યું છે.

રિલાયન્સ કેપિટલના શેરમાં ઘટાડો નોંધાયો

આ જાહેરાત બાદ રિલાયન્સ કેપિટલનો શેર 1.42 ટકાના ઘટાડા સાથે રૂ. 9.03ની સપાટીએ બંધ રહ્યો હતો.