SAMCO મ્યુચ્યુઅલ ફંડે મોમેન્ટમ-આધારિત સ્મોલ કેપ ફંડ લોન્ચ કર્યું
અમદાવાદ, 14 નવેમ્બર: સેમ્કો એસેટ મેનેજમેન્ટ પ્રાઇવેટ લિમિટેડે આજે ભારતન પ્રથમ મોમેન્ટમ આધારિત સ્મોલ કેપ ફંડ, સેમ્કો સ્મોલ કેપ ફંડ લોન્ચ કરવાની જાહેરાત કરી છે, જે મજબૂત આવક, કમાણી અને ભાવની ગતિ દર્શાવતા ઉભરતા વ્યવસાયોને ઓળખી તેમાં રોકાણ કરવા માટે તૈયાર કરાયું છે. આ ન્યૂ ફંડ ઓફર (NFO) 14 નવેમ્બર, 2025થી 28 નવેમ્બર, 2025 સુધી સબ્સ્ક્રિપ્શન માટે ખુલશે.
SAMCO સ્મોલ કેપ ફંડ એક ઓપન-એન્ડેડ ઇક્વિટી સ્કીમ છે જે ભારતના વિસ્તરતા બજારમાં પ્રારંભિક તબક્કાની વૃદ્ધિની તકો ઝડપવા માટે, માર્કેટ કેપિટલાઈઝેશનના આધારે 251થી 750માં ક્રમે આવેલી સ્મોલ-કેપ સ્ટોક્સ કંપનીઓમાં મુખ્યત્વે રોકાણ કરશે. આ ફંડ SAMCOની માલિકીની C.A.R.E. મોમેન્ટમ વ્યૂહરચના દ્વારા સંચાલિત છે, જેનો અર્થ ક્રોસ- સેક્શનલ, એબ્સોલ્યુટ, રેવન્યુ તથા અર્નિંગ્સ મોમેન્ટમ એવો થાય છે. આ મોડેલ બહેતર કિંમત અને કારોબારમાં વૃદ્ધિ દર્શાવતી કંપનીઓને ઓળખવા માટે માત્રાત્મક અને મૂળભૂત પરિબળોને જોડે છે, જેનો હેતુ લાંબા ગાળાનું વધારાનું વળતર ઉપલબ્ધ બનાવવાનો છે.
ભારતનું સ્મોલ-કેપ સેગમેન્ટ લાંબા ગાળાના સંપત્તિ નિર્માણના મુખ્ય કારક તરીકે ઉભર્યુ છે, જે દેશની ઉદ્યોગસાહસિકની ગહનતા તથા વૃદ્ધિની સંભવિતતાને પ્રતિબિંબિત કરે છે. ₹62 લાખ કરોડથી વધુના સંયુક્ત માર્કેટ કેપિટલાઈઝેશન સાથે, સ્મોલ-કેપ વિશ્વ રોકાણકારોને સ્કેલિંગના પ્રારંભિક તબક્કામાં વ્યવસાયોનું એક્સપોઝર પૂરું પાડે છે. ઐતિહાસિક ડેટા આ તકને ઉજાગર કરે છે: નિફ્ટી સ્મોલકેપ 250 TRI એ તેના પ્રારંભથી 16.05%નો CAGR નોંધાવ્યો છે, અને મોમેન્ટમ-આધારિત ઇન્ડેક્સ નિફ્ટી સ્મોલ કેપ 250 મોમેન્ટમ ક્વોલિટી 100 TRI એ તેના પ્રારંભથી 22.03%નો CAGR નોંધાવ્યો છે. જે દર્શાવે છે કે સ્ટોક-સ્પેસિફિક પૂર્વગ્રહોના જોખમોને ઘટાડવાની સાથે સાથે મોમેન્ટમ સ્ટ્રેટેજીસ કેવી રીતે ટકાઉ વૃદ્ધિના વલણોને ઝડપી શકે છે.
આ ફંડ નિફ્ટી સ્મોલ કેપ 250 ટોટલ રિટર્ન્સ ઇન્ડેક્સ (TRI) સામે બેન્ચમાર્ક કરવામાં આવ્યું છે અને તેનું સંચાલન ઉમેશકુમાર મહેતા, CIO ની આગેવાની હેઠળની ટીમ દ્વારા કરવામાં આવશે, જેઓ ફંડામેન્ટલ અને મોમેન્ટમ-આધારિત રોકાણમાં વ્યાપક નિપુણતા ધરાવે છે.રોકાણકારો આ NFOમાં ઓછામાં ઓછાં ₹5,000ના રોકાણ દ્વારા અથવા દર મહિને માત્ર ₹500થી શરૂ થતી SIP દ્વારા ભાગ લઈ શકે છે.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
