TATA ASSET MANAGEMENT એ ટાટા નિફ્ટી નેક્સ્ટ 50 ઇન્ડેક્સ ફંડ લોન્ચ કર્યું

અમદાવાદ, 13 સપ્ટેમ્બર: ટાટા એસેટ મેનેજમેન્ટે ટાટા નિફ્ટી નેક્સ્ટ 50 ઇન્ડેક્સ ફંડના લોન્ચ સાથે તેની પેસિવ ઓફરિંગ્સમાં વધારો કર્યો છે. આ એક ઓપન એન્ડેડ સ્કીમ છે જેનો ઉદ્દેશ્ય નિફ્ટી નેક્સ્ટ 50 ઇન્ડેક્સ (TRI)ના પર્ફોર્મન્સને ટ્રેક કરીને તેને અનુસરવાનો છે. ન્યૂ ફંડ ઓફર (NFO) 12 સપ્ટેમ્બર, 2025ના રોજ ખૂલશે અન 26 સપ્ટેમ્બર ના રોજ બંધ થશે.

નિફ્ટી નેક્સ્ટ 50 ઇન્ડેક્સ એ નિફ્ટી 100 યુનિવર્સમાં ફ્રી ફ્લોટ માર્કેટ કેપિટલાઇઝેશન દ્વારા 51-100 રેન્કિંગ ધરાવતી કંપનીઓ દર્શાવે છે. આ એવી કંપનીઓ છે જે આવતીકાલની બ્લુ ચિપ બનવાની અને લાંબા ગાળે નિફ્ટી 50માં સ્થાન મેળવવાની સંભાવના ધરાવતી હોવાનું ઘણીવાર જોવા મળે છે.

ટાટા એસેટ મેનજેમેન્ટના ચીફ બિઝનેસ ઓફિસર આનંદ વરદરાજને જણાવ્યું કે નિફ્ટી નેક્સ્ટ 50 એ નિફ્ટી 50માં એક્સપોઝરને પૂરક બનાવતી સારી રીતૈ વૈવિધ્યતા ધરાવતી લાર્જ કેપ કંપનીઓનો સમૂહ રજૂ કરે છે. ટાટા નિફ્ટી નેક્સ્ટ 50 ઇન્ડેક્સ ફંડ દ્વારા અમારો ઉદ્દેશ્ય અર્થતંત્રના વિવિધ ક્ષેત્રોમાં નવી તકોને આકાર આપી રહેલા એવા વ્યવસાયોની સંભવિત વૃદ્ધિમાં ભાગ લેવા માટે રોકાણકારોને પારદર્શક માર્ગ આપવાનો છે જેનો હેતુ ભારતના મૂડી બજારોમાં પોતાની સ્થિતિને વધુ મજબૂત બનાવવાનો છે.

લાંબા ગાળે નિફ્ટી નેક્સ્ટ 50એ નિફ્ટી 50 અને નિફ્ટી 100ની સરખામણીએ વધુ ઊંચું વળતર આપ્યું છે. નિફ્ટી નેક્સ્ટ 50 ટીઆરઆઈના એવરેજ 10 વર્ષ રોલિંગ રિટર્ન્સ 15.94 ટકા છે (સ્ત્રોતઃ એનએસઈ, ઇકરા-એમએફઆઈ, ડેટા 1 જાન્યુઆરી 2003થી 1 સપ્ટેમ્બર 2025 વચ્ચેના છે) જે નિફ્ટી 50 ટીઆરઆઈ (14.09) અને નિફ્ટી 100 ટીઆરઆઈ (13.56 ટકા) કરતા ઊંચા છે.

ટાટા નિફ્ટી નેક્સ્ટ 50 ઇન્ડેક્સ ફંડ માટે કોઈ એન્ટ્રી લોડ નથી અને જો એલોટમેન્ટની તારીખના 15 દિવસમાં જ રિડીમ કરવામાં આવે તો 0.25 ટકા એક્ઝિટ લોડ રહેશે. સબ્સ્ક્રીપ્શનની લઘુતમ રકમ રૂ. 5,000 છે અને ત્યારબાદ રૂ. 1ના ગુણાંકમાં રોકાણ કરી શકાય છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)