ટોરેન્ટ પાવરે 2k મેગાવોટ ઉર્જા સંગ્રહ પ્રોજેક્ટ માટે MSEDCL તરફથી એવોર્ડ લેટર મેળવ્યો

અમદાવાદ, 9 ઓક્ટોબરઃ ટોરેન્ટ પાવરે મહારાષ્ટ્ર સ્ટેટ ઇલેક્ટ્રિસિટી ડિસ્ટ્રિબ્યુશન (MSEDCL) તરફથી એવોર્ડ લેટર મેળવ્યો છે. કંપનીએ લક્ષ્મી મિલ્સ અને ટોરેન્ટ ઉર્જા 17 પ્રાઇવેટ લિમિટેડ (TU17) સાથે શેર સબ્સ્ક્રિપ્શન અને શેરધારકોના કરાર (SSSA) પર પણ હસ્તાક્ષર કર્યા હતા. ટોરેન્ટ પાવરને InSTS કનેક્ટેડ પમ્પ્ડ હાઇડ્રો સ્ટોરેજ પ્લાન્ટમાંથી 2,000 મેગાવોટ (MW) એનર્જી સ્ટોરેજ કેપેસિટીના લાંબા ગાળાના સપ્લાય માટે MSEDCL તરફથી એવોર્ડ પત્ર મળ્યો હતો.

ફાઇલિંગ મુજબ, 2,000 મેગાવોટની ક્ષમતા 1,500 મેગાવોટ ક્ષમતાનો સમાવેશ કરે છે, જેના માટે 17 સપ્ટેમ્બર, 2024 ના રોજ MSEDCL દ્વારા પહેલેથી જ ઇરાદા પત્ર જારી કરવામાં આવ્યો હતો. કંપનીને હવે ટેન્ડર હેઠળ વધારાની 500 મેગાવોટ ક્ષમતાની ફાળવણી પ્રાપ્ત થઈ છે. કુલ ક્ષમતા 2,000 મેગાવોટ માટે ફાળવવામાં આવી છે. MSEDCL ટોરેન્ટ પાવરના InSTS કનેક્ટેડ પમ્પ્ડ હાઇડ્રો સ્ટોરેજમાંથી 40 વર્ષ માટે ઊર્જા સંગ્રહ ક્ષમતા મેળવશે.

સમાચારના પગલે શેર નવી ઊંચાઇએ

સવારે શેરબજારમાં ટોરેન્ટ પાવરના શેરના વેપારમાં 9 ટકાનો વધારો થયો હતો અને શેરદીઠ રૂ. 1,983.7ની નવી ઊંચી સપાટીએ નોંધાઈ હતી. સવારે ટોરેન્ટ પાવરના શેરનો ભાવ 6.85 ટકા વધીને રૂ. 1,941.7 પ્રતિ શેર હતો. તેની સરખામણીમાં, BSE સેન્સેક્સ તે જ સમયે 145.48 ટકા વધીને 81,780.29 પર ટ્રેડ થયો હતો. અહેવાલો મુજબ, મોર્ગન સ્ટેનલીએ શેર દીઠ રૂ. 2,268ના લક્ષ્ય માટે ટોરેન્ટ પાવર પર ‘ઓવરવેઇટ’ રેટિંગ જાળવી રાખ્યું છે. વધુમાં, કંપનીને વાર્ષિક આવક રૂ. 1,680 કરોડની અપેક્ષા છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ, ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)