WORKMATESનો IPO 11 નવેમ્બરે ખૂલશે, પ્રાઇસબેન્ડ રૂ.200

ઇશ્યૂ ખૂલશે	11 નવેમ્બર
ઇશ્યૂ બંધ થશે	13 નવેમ્બર
ફેસ વેલ્યૂ	રૂ. 10
પ્રાઇસબેન્ડ	રૂ.200 – 204
લોટ સાઇઝ	600 શેર્સ
ઇશ્યૂ સાઇઝ	3423600 શેર્સ
ઇશ્યૂ સાઇઝ	રૂ. 69.84 કરોડ
લિસ્ટિંગ	SME, BSE

અમદાવાદ, 10 નવેમ્બર: ક્લાઉડ અને ડિજિટલ ટ્રાન્સફોર્મેશન કંપની વર્કમેટ્સ કોર2ક્લાઉડ સોલ્યુશન લિમિટેડનો શેરદીઠ રૂ. 10 ની ફેસ વેલ્યૂ અને શેરદીઠ રૂ. 200 – 204 પ્રાઇસબેન્ડ ધરાવતા શેર્સના આઇપીઓ સાથે તા. 11 નવેમ્બરે મૂડીબજારમાં પ્રવેશી રહી છે. 3423600 શેર્સની રૂ. 69.84 કરોડની ઓફર ધરાવતો આઇપીઓ તા. 13 નવેમ્બરે બંધ થશે. લોટ સાઇઝ 600 શેર્સની રાખવામાં આવી છે. કંપનીના શેર્સ SME અને BSE ખાતે લિસ્ટેડ કરાવવાની કંપની દરખાસ્ત ધરાવે છે. બિડ્સ લઘુતમ 600 ઇક્વિટી શેર્સ અને ત્યારબાદ 600 ઇક્વિટી શેર્સના ગુણાંકમાં કરી શકાય છે.

આ ઇશ્યૂમાંથી મળેલી ચોખ્ખી રકમનો ઉપયોગ વર્કમેટ્સ પોતાની સુરક્ષિત લોનના પ્રીપેમેન્ટ કે રીપેમેન્ટ, કંપનીની કાર્યકારી મૂડીની જરૂરિયાતોને પૂર્ણ કરવા તેમજ અન્ય સામાન્ય કોર્પોરેટ હેતુઓ માટે કરવા માગે છે.

વર્કમેટ્સ પાસે વિવિધ વર્ટિકલ્સમાં ગ્રાહકોની વિશાળ શ્રેણી છે, જેમાં 37.41% સાથે IT/ITES સૌથી મોટું સેગમેન્ટ છે અને 30.40% સાથે FSI/BFSI બીજા ક્રમે છે. અન્ય મુખ્ય સેગમેન્ટમાં મેન્યુફેક્ચરિંગ, ઇ-કોમર્સ, મીડિયા (4.58%) અને અન્ય ક્ષેત્રોનો સમાવેશ થાય છે.

કંપનીની કામગીરી અને ઇતિહાસ એક નજરે:

વર્કમેટ્સ એક ક્લાઉડ અને ડિજિટલ ટ્રાન્સફોર્મેશન કંપની છે, જે એન્ટરપ્રાઇઝને આધુનિક બનાવવા, સુરક્ષિત કરવા અને તેમના ડિજિટલ કોરને ઉંચાઈ પર લઈ જવામાં મદદ કરવા માટે સમર્પિત છે. કંપની માત્ર છ વર્ષમાં સ્ટાર્ટઅપથી આગળ વધીને પ્રીમિયર-ટાયર એમેઝોન વેબ સર્વિસીસ (AWS)ની ભાગીદાર બની છે. કંપની AI, IoT, VR અને AR જેવી ઉભરતી ટેક્નોલોજીમાં સેવાઓ પૂરી પાડીને વ્યવસાયોને તેમના પરિવર્તનમાં મદદ કરીને ઈનોવેશન પર પણ ધ્યાન કેન્દ્રિત કરી રહી છે.

કંપનીની નાણાકીય કામગીરી એક નજરે

Period Ended	31 Aug 2025	31 Mar 2025	31 Mar 2024	31 Mar 2023
Assets	69.44	62.16	24.57	11.14
Total Income	59.55	108.39	53.53	29.14
PAT	7.22	13.93	5.35	1.86
NET Worth	30.10	22.89	8.96	3.61
Reserves and Surplus	20.09	22.88	8.95	3.60
Amount in ₹ Crore

31 ઓગસ્ટ 2025 (બિન-વાર્ષિક) સુધીમાં, કંપનીની આવક રૂપિયા 59.38 કરોડ હતી, જ્યારે કુલ નફો રૂપિયા 20.28 કરોડ હતો, જે 34.16%નું કુલ માર્જિન દર્શાવે છે. કંપનીએ 31 ઓગસ્ટ સુધીમાં રૂપિયા 10.61 કરોડનો EBITDA નોંધાવ્યો હતો, જ્યારે કર પછીનો નફો (PAT) રૂપિયા 7.21 કરોડ હતો. આ જ સમયગાળા દરમિયાન વર્કમેટ્સનું ઇક્વિટી પર વળતર (ROE) અને મૂડી પર વળતર (ROCE) અનુક્રમે 27.24% અને 30.14% રહ્યું છે.

લીડ મેનેજર : હોરાઇઝન મેનેજમેન્ટ આ ઇશ્યૂ માટેના બુક રનિંગ લીડ મેનેજર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)