ઝાયડસને મલ્ટીપલ સ્ક્લેરોસિસની સારવાર માટે જેનેરિક ડ્રગ માટે USFDAની મંજૂરી

અમદાવાદ, 10 મેઃ  ઝાયડસ લાઇફસાયન્સિસને મલ્ટીપલ સ્ક્લેરોસિસની સારવાર માટે જેનેરિક મેડિકેશનના માર્કેટિંગ માટે યુએસ હેલ્થ રેગ્યુલેટર તરફથી મંજૂરી મળી છે. કંપનીને Glatiramer Acetate ઇન્જેક્શન, 20 mg/mL અને 40 mg/mL, સિંગલ ડોઝ પ્રીફિલ્ડ સિરિંજ માટે યુએસ ફૂડ એન્ડ ડ્રગ એડમિનિસ્ટ્રેશન (USFDA) તરફથી મંજૂરી મળી ગઈ છે. કંપનીની પ્રોડક્ટ Copaxoneનું જેનેરિક વર્ઝન છે જેને મલ્ટીપલ સ્ક્લેરોસિસ (એમએસ)ના રિલેપ્સિંગ ફોર્મ્સની સારવાર માટે સૂચવવામાં આવે છે.

ઝાયડસે જણાવ્યું હતું કે Chemi S.p.A. સાથેના સહયોગમાં વિકસાવાયેલી આ પ્રોડક્ટનું સંપૂર્ણપણે ઉત્પાદન યુરોપમાં થશે. ઝાયડસ લાઇફસાયન્સિસના એમડી શર્વિલ પટેલે જણાવ્યું હતું કે આ મંજૂરી જટિલ, અલગ અલગ પ્રકારના જેનેરિક્સને બજારમાં લાવવામાં ઝાયડસની લીડરશિપ દર્શાવે છે અને તે દર્દીઓ માટે વ્યાપક શ્રેણીની ચિકિત્સા પસંદગીઓ પૂરી પાડવાની અમારી પ્રતિબદ્ધતાનો પુનરોચ્ચાર કરે છે.

IQVIA MAT ડેટા મુજબ Glatiramer Acetate ઇન્જેક્શનનું અમેરિકી માર્કેટમાં વાર્ષિક વેચાણ 719 મિલિયન યુએસ ડોલર જેટલું હતું.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)