HDB ફાઇનાન્શિયલ સર્વિસિસ જૂનના અંત સુધીમાં રૂ. 12,500 કરોડનો IPO લોન્ચ કરે તેવી શક્યતા

મુંબઇ, 16 જૂનઃ HDFC બેંકની પેટાકંપની HDB ફાઇનાન્શિયલ સર્વિસિસ જૂનના અંત સુધીમાં રૂ. 12,500 કરોડનો IPO લોન્ચ કરવાની યોજના બનાવી રહી હોવાનું બજાર વર્તુળો જણાવે છે.

કંપની દ્વારા UDRHP (અપડેટેડ ડ્રાફ્ટ રેડ હેરિંગ પ્રોસ્પેક્ટસ) ફાઇલ કરવામાં આવ્યો છે અને રેડ હેરિંગ પ્રોસ્પેક્ટસ થોડા દિવસોમાં સબમિટ કરવાની યોજના છે, ત્યારબાદ 24 જૂને એન્કર ભાગ રજૂ કરવામાં આવે તેવી શક્યતા છે. હાલમાં, 25 જૂનથી 27 જૂન વચ્ચે જાહેર સબ્સ્ક્રિપ્શન માટે ઇશ્યૂ ખૂલે તેવી ધારણા બજાર પંડિતો વ્યક્ત કરી રહ્યા છે. HDB ફાઇનાન્શિયલ સર્વિસિસ પ્રાઇસ બેન્ડના અપર એન્ડથી લગભગ લગભગ રૂ. 62,000 કરોડના પોસ્ટ-મની મૂલ્યાંકનનું લક્ષ્ય રાખી રહી છે. IPO માં રૂ. 2,500 કરોડનો નવો ઇશ્યૂ અને પેરેન્ટ HDFC બેંક દ્વારા રૂ. 10,000 કરોડની ઓફર ફોર સેલ (OFS) શામેલ છે, જે 94.3 ટકા હિસ્સો ધરાવે છે. કંપનીએ ઓક્ટોબર 2024માં IPO માટે તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું હતું. HDFC બેંકના ડિરેક્ટર બોર્ડે HDB ફાઇનાન્શિયલ સર્વિસિસના લિસ્ટિંગની પ્રક્રિયા શરૂ કરવા માટે સૈદ્ધાંતિક મંજૂરી આપી હતી અને આ સંદર્ભમાં વિવિધ પગલાં લેવા માટે ડિરેક્ટર્સની એક સમિતિની રચના કરી હતી.

ઓક્ટોબર 2022માં RBI દ્વારા જારી કરાયેલા પરિપત્ર અનુસાર HDB ફાઇનાન્શિયલ સર્વિસીસ “અપર લેયર” NBFC હોવાથી લિસ્ટિંગ ફરજિયાત છે. RBI મુજબ, આ કિસ્સામાં, બધી “અપર લેયર” NBFCs ને સૂચિત થયાના ત્રણ વર્ષની અંદર, એટલે કે, સપ્ટેમ્બર 2025માં લિસ્ટિંગ કરાવવું જરૂરી છે.

DRHP અનુસાર, HDB ફાઇનાન્શિયલ IPO સિન્ડિકેટ JM ફાઇનાન્શિયલ, BNP પરિબાસ, BofA સિક્યોરિટીઝ, Jefferies, Goldman Sachs, HSBC સિક્યોરિટીઝ, Nomura, IIFL સિક્યોરિટીઝ, Morgan Stanley, Nuvama, Motilal Oswal અને UBS સહિત 12 રોકાણ બેંકોમાંની એક મોટી બેંક છે. સિરિલ અમરચંદ મંગલદાસ કંપનીના સલાહકાર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)