AGL બિલ્ડિંગ મટિરિયલ્સ સેક્ટરમાં પોતાની પકડ મજબૂત કરવા ફ્યુચર ગ્રોથનું વિઝન શેર કર્યું
અમદાવાદ,4 ઓગસ્ટ: એશિયન ગ્રેનિટો ઇન્ડિયા લિમિટેડ (AGL) સૌથી મોટી લક્ઝરી સરફેસિસ અને બાથવેર સોલ્યુશન્સ બ્રાન્ડ્સમાંથી એક છે, હવે તે બિલ્ડિંગ મટિરિયલ્સ ક્ષેત્રમાં પોતાની છાપ છોડવા માટે તૈયાર છે. સિરામિક ટાઇલ્સ ઉત્પાદનમાં ટોચના ખેલાડીઓમાંની એક AGL, કંપની 2030 સુધીમાં રૂ. 5,500 કરોડની કંપની બનવાના તેના લક્ષ્યને પ્રાપ્ત કરવા માટે તેના અન્ય વિભાગોને મજબૂત બનાવવા માટે આતુર છે.
કંપનીની તાકાત તેના સમગ્ર ભારતમાં ડિસ્ટ્રીબ્યુશન અને રિટેલ પ્રેઝન્સમાં રહેલી છે. કંપની હાલમાં 80 એક્સક્લુઝિવ ડિસ્પ્લે સેન્ટર ચલાવે છે અને મુખ્ય શહેરોમાં 277થી વધુ ફ્રેન્ચાઇઝ શોરૂમ ધરાવે છે. વધુમાં, કંપની ભારતમાં 18,000થી વધુ ટચપોઇન્ટ્સ સાથે વ્યાપક માર્કેટિંગ અને વિતરણ નેટવર્ક ધરાવે છે. જેમાં ડિસ્ટ્રીબ્યુટર, ડીલરો અને સબ-ડીલરો શામેલ છે. બ્રાન્ડ ભારતના પશ્ચિમ અને દક્ષિણ પ્રદેશોમાં મજબૂત દૃશ્યતા ધરાવે છે અને નોર્થ અને ઈસ્ટમાં પણ તેનો બજાર માર્કેટ શેરથી વધારી રહી છે.
AGLની Bonzer7 બ્રાન્ડે તેના “ક્યા બાત હૈ” કેમ્પેન માટે અભિનેત્રી વાણી કપૂરને ઓનબોર્ડ કરી છે, જેનો હેતુ યુવા ઓડિયન્સને ટાર્ગેટ કરવાનો અને તેની માર્કેટ પ્રેઝન્સને મજબૂત બનાવવાનો છે. આ કેમ્પેન AGLની ઈનોવેશન પ્રત્યેની પ્રતિબદ્ધતા અને બ્રોડર કન્ઝ્યુમર બેઝ સાથે જોડાવાની તેની વ્યૂહરચના પર ભાર મૂકે છે.
કંપનીએ 31 માર્ચ 2025ના રોજ પૂરા થયેલા નાણાકીય વર્ષ માટે રૂ. 20.24 કરોડનો એકીકૃત ચોખ્ખો નફો નોંધાવ્યો છે. નાણાકીય વર્ષ 25માં કંપનીના કોન્સોલિડેટેડ ચોખ્ખા વેચાણમાં 1.8% વૃદ્ધિ થઈને રૂ. 1558.52 કરોડનો વધારો થયો, જે નાણાકીય વર્ષ 24માં રૂ. 1530.59 કરોડનો કોન્સોલિડેટેડ નેટ સેલ્સ હતો. નાણાકીય વર્ષ 25 માટે EBITDA રૂ. 75.72 કરોડ (EBITDA માર્જિન 4.90%) રહ્યો છે, જે નાણાકીય વર્ષ 24માં રૂ. 50.98 કરોડ (EBITDA માર્જિન 3.60%) હતો. નાણાકીય વર્ષ 25 માટે નિકાસ રૂ. 291 કરોડ નોંધાઈ હતી, જે નાણાકીય વર્ષ 24માં રૂ. 246 કરોડની નિકાસની તુલનામાં 19% વાર્ષિક ધોરણે વધારો દર્શાવે છે.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
