બિગબ્લોક કન્સ્ટ્રક્શન લિમિટેડે Q2FY26માં રૂ. 67.32 કરોડની આવક નોંધાવી

અમદાવાદ,નવેમ્બર 10, 2025 : એરેટેડ ઓટોક્લેવ્ડ કોંક્રીટ (AAC) બ્લોક્સ, ઇંટો તથા પેનલ્સનાં અગ્રણી ઉત્પાદકો પૈકીનાં એક બિગબ્લોક કન્સ્ટ્રક્શન લિમિટેડે સપ્ટેમ્બર 2025માં પૂર્ણ થયેલા નાણાકીય વર્ષ 2026નાં બીજા ત્રિમાસિક ગાળા માટે કામગીરીમાંથી રૂ. 67.32 કરોડની કન્સોલિડેટેડ આવક નોંધાવી છે, જે નાણાંકીય વર્ષ 2025માં કામગીરીમાંથી રૂ. 51.65 કરોડની આવકની તુલનામાં 30.3%ની Y-o-Y વૃદ્ધિ દર્શાવે છે. ઇન્ડસ્ટ્રીમાં ઘણા ચઢાવ ઉતાર હોવા છતાં કંપનીએ નાણાકીય વર્ષ 2026નાં પ્રથમ અર્ધવાર્ષિક તથા બીજા ત્રિમાસિક ગાળામાં ઓપરેશનલ અને ફાઇનાન્શિયલ પર્ફોર્મન્સમાં મજબૂત સુધારો કર્યો છે.   

30 સપ્ટેમ્બરનાં રોજ પૂર્ણ થયેલાં નાણાંકીય વર્ષ 2026નાં પ્રથમ અર્ધવાર્ષિક માટે કામગીરીમાંથી આવક કન્સોલિડેટેડ બેસિસ પર Y-o-Y 19.8% વધીને રૂ. 123.67 કરોડ થઇ છે, જ્યારે નાણાકીય વર્ષ 2025નાં પ્રથમ અર્ધવાર્ષિક માટે કામગીરીમાંથી આવક રૂ. 103.22 કરોડ હતી.

ઓક્ટોબર 15, 2025નાં રોજ સ્ટારબિગબ્લોક બિલ્ડિંગ મટીરિયલ લિમિટેડ (ટ્રાન્સફરર કંપની) અને બિગબ્લોક બિલ્ડિંગ એલિમેન્ટ્સ પ્રાઇવેટ લિમિટેડ (ટ્રાન્સફરી કંપની)નાં બોર્ડે બંને કંપનીનાં મર્જર પ્રપોઝલને મંજૂરી આપી હતી. આ મર્જરનો હેતુ સ્ટ્રટેજીક ગ્રોથને ઝડપી બનાવવાનો, કાર્યકારી ક્ષમતાને વિકસાવવાનો અને સ્ટેકહોલ્ડર વેલ્યુ વધારવાનો છે.

બિગબ્લોક કન્સ્ટ્રક્શન લિમિટેડનાં ચેરમેન નારયણ સાબૂએ કહ્યું કે, “ઓપરેશનલ પર્ફોર્મન્સમાં આ સુધારો અમારા બિઝનેસ મોડલની મજબૂતાઇ તથા પડકારપૂર્ણ મેક્રો – વાતાવરણમાં પણ કાર્યક્ષમ દેખાવની અમારી ક્ષમતા દર્શાવે છે. સ્ટારબિગબ્લોક બિલ્ડિંગ મટીરિયલ અને બિગબ્લોક બિલ્ડિંગ એલિમેન્ટ્સ વચ્ચે પ્રસ્તાવિત મર્જર તથા મધ્યપ્રદેશના ઇન્દોર ખાતે ભારતની સૌથી મોટી ગ્રીનફિલ્ડ AAC બ્લોક સુવિધા સ્થાપવા સહિત કરંટ એક્સપાન્શન પ્લાન્સ, ભવિષ્યમાં સ્ટ્રટેજીક ગ્રોથ અને સેક્ટરમાં અમારા નેતૃત્વને મજબૂત બનાવવા માટે અમને સક્ષમ બનાવે છે. કંપની એનહાન્સ્ડ ઓપરેશનલ ક્ષમતા, ઇનોવેશન, સ્ટ્રેટેજીક એક્સપાન્શન, નવી પ્રોડક્ટ લોન્ચ અને સ્ટેકહોલ્ડર્સ માટે વેલ્યૂ ક્રિએશન દ્વારા ઝડપી ગ્રોથ માટે પ્રતિબદ્ધ છે,  આની સાથે અમે વૈશ્વિક ESG ધોરણો સાથે અમારા ઓપરેશન્સને સંરેખિત કરવા માટે પણ પ્રતિબદ્ધ છીએ.”

2015માં સ્થાપિત, બિગબ્લોક કન્સ્ટ્રક્શન લિમિટેડ તેના ગુજરાત (ખેડા, ઉમરગામ, કપડવંજ) અને મહારાષ્ટ્રમાં (વાડા) પ્લાન્ટ્સ ખાતે સ્થાપિત 1.3 મિલિયન ક્યુબિક મીટરની ક્ષમતા સાથે AAC બ્લોક સ્પેસમાં એકમાત્ર લિસ્ટેડ કંપની છે. કંપનીએ તાજેતરમાં મધ્યપ્રદેશના ઇન્દોરમાં AAC બ્લોક્સ માટે ભારતની સૌથી મોટી ગ્રીનફિલ્ડ સુવિધા સ્થાપવા માટે ખાસરા ખાતે આશરે 57,500 સ્ક્વેર મીટર જમીન ખરીદી છે. બિગબ્લોક કન્સ્ટ્રક્શન્સ લિમિટેડ AAC ઉદ્યોગમાં કાર્બન ક્રેડિટ જનરેટ કરતી ગણતરીની કંપનીઓમાંની એક છે.

પ્રમોટર્સ ગ્રુપે સપ્ટેમ્બર ક્વાર્ટર દરમિયાન ઓપન માર્કેટમાંથી 2.05 લાખ શેર્સ લીધા છે, જેથી કંપનીમાં તેનો હિસ્સો સપ્ટેમ્બર 2025 સુધીમાં વધીને 72.84% થયો છે. નાણાકીય વર્ષ 2026નાં બીજા ત્રિમાસિક ગાળા માટે કન્સોલિડેટેડ કેપેસિટી યુટીલાઇઝેશન 62% રહ્યું છે. સ્ટારબિગબ્લોક બિલ્ડિંગ મટીરિયલ લિમિટેડ અને બિગબ્લોક બિલ્ડિંગ એલિમેન્ટ્સ પ્રાઇવેટ લિમિટેડ ખાતે કેપેસિટી યુટીલાઇઝેશન નાણાકીય વર્ષ 2026નાં બીજા ત્રિમાસિક ગાળા દરમિયાન અનુક્રમે 90% અને 58% હતું જ્યારે સિયામ સિમેન્ટ બિગ બ્લોક કન્સ્ટ્રક્શન ટેક્નોલોજીસ પ્રાઇવેટ લિમિટેડ માટે 43% રહ્યું હતું.

સસ્ટેનેબિલિટી ફ્રન્ટ પર, બિગબ્લોક અને તેની સબ્સિડિયરીઝમાં કુલ ઇન્સ્ટોલ્ડ સોલાર પાવર કેપેસિટી હવે 2,375 kW છે. આ પહેલ સાથે, કંપની તેની લગભગ 22% વીજળી જરૂરિયાતો હવે રીન્યુએબલ એનર્જી દ્વારા પૂરી કરી રહી છે, જેનાથી લાંબા ગાળાના ESG લક્ષ્યો સાથે કંપનીનાં ઓપરેશન્સ સંરેખિત થાય છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)