એમ્મવી ફોટોવોલ્ટિક પાવરે રૂ. 3,000 કરોડના IPO માટે DRHP ફાઇલ કર્યું

અમદાવાદ, 8 જુલાઇઃ સોલર ફોટોવોલ્ટિક મોડ્યુલ્સ અને સોલર સેલના નિર્માતા એમ્મવી ફોટોવોલ્ટિક પાવર લિમિટેડે પ્રારંભિક જાહેર ભરણા (IPO) દ્વારા રૂ. 3,000 કરોડ ઊભાં કરવા માટે મૂડી બજાર નિયામક સેબીમાં પ્રાઇમરી પેપર્સ ફાઇલ કર્યાં છે. IPOમાં રૂ. 2,143.86 કરોડના મૂલ્યના શેર્સનો ફ્રેશ ઇશ્યૂ અને પ્રમોટર્સ દ્વારા રૂ. 856.14 કરોડના મૂલ્યનો ઓફર ફોર સેલ (ઓએફએસ) સામેલ છે, તેમ ડ્રાફ્ટ રેડ હેરિંગ પ્રોસ્પેક્ટસ (DRHP)માં જણાવ્યું હતું. ફ્રેશ ઇશ્યૂમાંથી પ્રાપ્ત ભંડોળનો ઉપયોગ કંપની અને તેની પેટા કંપનીઓ દ્વારા લેવાયેલી લોનના રિપેમેન્ટ અથવા પ્રીપેમેન્ટ અને વ્યાજની ચૂકવણી તેમજ કેટલાંક હિસ્સાનો ઉપયોગ કોર્પોરેટના સામાન્ય હેતુઓ માટે કરાશે.

બેંગ્લોર સ્થિત કંપનીએ પ્રી-IPO પ્લેસમેન્ટ દ્વારા રૂ. 428.77 કરોડ એકત્ર કરી શકે છે. જો આમ કરવામાં આવે તો ઊભી કરાયેલી રકમ કુલ ફ્રેશ ઇશ્યૂમાંથી બાદ થઇ જશે.

એમ્મવી ફોટોવોલ્ટિક પાવર અગ્રણી પ્યોર-પ્લે ઇન્ટિગ્રેટેડ સોલર પીવી(ફોટોવોલ્ટિક સિસ્ટમ) મોડ્યુલ અને સોલર સેલ મેન્યુફેક્ચરિંગ કંપની છે. તેની 31 મે, 2025 સુધીમાં સોલર પીવી મોડ્યુલ ઉત્પાદન ક્ષમતા 7.80 ગીગાવોટ અને સોલર સેલ ઉત્પાદન ક્ષમતા 2.94 ગીગાવોટ છે.

ક્રિસિલ રિપોર્ટ મૂજબ ભારતની સોલર પીવી મોડ્યુલર અને સેલ મેન્યુફેક્ચરિંગ ક્ષમતા માર્ચ, 2022ના અનુક્રમે 21 ગીગાવોટ અને 3.2 ગીગાવોટથી વધીને માર્ચ, 2025 સુધીમાં 82 ગીગાવોટ અને 23 ગીગાવોટ થઇ છે. સરકારની આયાત ઉપરની નિર્ભરતા ઘટાડવાની નીતિઓ, માર્કેટ ડાયનેમિક્સ અને રિન્યૂએબલ એનર્જી માટેની કટીબદ્ધતાને કારણે તેમાં વૃદ્ધિ થઇ રહી છે.

નાણાકીય વર્ષ 20230ના અંત સુધીમાં ડોમેસ્ટિક મોડ્યુલ અને સેલર મેન્યુફેક્ચરિંગ ઇન્ડસ્ટ્રીઝની ક્ષમતા અનુક્રમે 175-185 ગીગાવોટ અને 85-95 ગીગાવોટ થવાનો અંદાજ છે, તેમ રિપોર્ટમાં ઉમેર્યું હતું.

જેએમ ફાઇનાન્સિયલ, આઇઆઇએફએલ સર્વિસિસ, જેફરીઝ ઇન્ડિયા અને કોટક મહિન્દ્રા કેપિટલ કંપની IPOના મર્ચન્ટ બેન્કર્સ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)