લક્ષ્મી ઇન્ડિયા ફાઇનાન્સ લિમિટેડ નો IPO 29 જુલાઈએ ખૂલશે, પ્રાઈસ બેન્ડ રૂ. 150-158

અમદાવાદ, 25 જુલાઈ: લક્ષ્મી ઇન્ડિયા ફાઇનાન્સ લિમિટેડ 29 જુલાઈ ના રોજ તેના ઇક્વિટી શેર્સ નો આઈપીઓ ખોલશે. 31 જુલાઈ ના રોજ બંધ થશે. કુલ ઇશ્યૂ સાઇઝમાં રૂ. 254.26 કરોડ સુધીના મૂલ્યના પ્રત્યેક રૂ. 5 ની ફેસ વેલ્યુના ઇક્વિટી શેર્સના ફ્રેશ ઇશ્યૂનો સમાવેશ થાય છે. ઇશ્યૂની પ્રાઇઝ બેન્ડ શેર દીઠ રૂ. 150 થી રૂ. 158 નક્કી કરવામાં આવી છે .  બિડ્સ લઘુતમ 94 ઇક્વિટી શેર્સ અને ત્યારબાદ 94 ઇક્વિટી શેર્સના ગુણાંકમાં કરી શકાય છે.

લિસ્ટિંગઃ કંપનીના શેર્સ બીએસઇ અને એનએસઇ ખાતે લિસ્ટિંગ કરાવવાની દરખાસ્ત ધરાવે છે.

કંપનીની કામગીરી અને ઇતિહાસ:

લક્ષ્મી ઇન્ડિયા ફાઇનાન્સ 1990 ના દાયકાની શરૂઆતમાં દીપક ફાઇનાન્સ એન્ડ લીઝિંગ કંપની સાથે શરૂ થયેલા વારસા પર બનાવવામાં આવ્યું હતું. તે એક થાપણો નહિ લેતી નોન-બેંન્કિંગ ફાઇનાન્સિયલ કંપની છે, જે ભારતના ધિરાણ બજારમાં વંચિત ગ્રાહકોની નાણાકીય જરૂરિયાતો પૂરી કરવા પર ધ્યાન કેન્દ્રિત કરે છે. તે તેના ગ્રાહકોની વિશિષ્ટ જરૂરિયાતોને પૂર્ણ કરવા માટે વિવિધ પ્રકારના ધિરાણ ઉત્પાદનો ઓફર કરે છે. તેના વ્યવસાયિક વર્ટિકલ્સમાં MSME ફાઇનાન્સ, વ્હીકલ ફાઇનાન્સ, કન્સ્ટ્રક્શન લોન અને અન્યનો સમાવેશ થાય છે. તે MSME અને રિટેલ ગ્રાહકોને તેમની કાર્યકારી મૂડી જરૂરિયાતો અને વ્યક્તિગત ઉપયોગ માટે અનુક્રમે નાના-ટિકિટ અસુરક્ષિત વ્યવસાય અને વ્યક્તિગત લોન અને અન્ય NBFCs ને જથ્થાબંધ લોન પણ પૂરી પાડે છે.

31 માર્ચ, 2025 સુધીમાં તેની અસ્કયામતો અંડર મેનેજમેન્ટ (AUM) 31 માર્ચ, 2023 સુધીમાં રૂ. 686.77 કરોડથી વધીને રૂ. 1,277.02 કરોડ થઈ ગઈ, જે 36.35% ના CAGRનું પ્રતિનિધિત્વ કરે છે તેમ જ તે મુખ્યત્વે તેની લોનના જથ્થા અને તેના શાખા નેટવર્કમાં વધારાને કારણે છે.31 માર્ચ, 2025 સુધીમાં, તેનું કાર્યકારી નેટવર્ક રાજસ્થાન, ગુજરાત, મધ્યપ્રદેશ, છત્તીસગઢ અને ઉત્તરપ્રદેશ રાજ્યોના ગ્રામીણ, અર્ધ-શહેરી અને શહેરી વિસ્તારોમાં 158 શાખાઓમાં ફેલાયેલું હતું.

નાણાકીય વર્ષ 2025 માટે લક્ષ્મી ઇન્ડિયા ફાઇનાન્સની કામગીરીમાંથી આવક 41.92% વધીને રૂ. 245.71 કરોડ થઈ છે, જે નાણાકીય વર્ષ 2024 માટે રૂ. 173.14 કરોડ હતી. નાણાકીય વર્ષ 2025 માટે કર પછીનો નફો 60.25% વધીને રૂ. 36.01 કરોડ થયો છે, જે નાણાકીય વર્ષ 2024માં રૂ. 22.47 કરોડ થયો હતો.

લીડ મેનેજર્સઃ  PL કેપિટલ માર્કેટ્સ પ્રાઇવેટ લિમિટેડ એકમાત્ર બુક-રનિંગ લીડ મેનેજર છે, અને MUFG ઇનટાઇમ ઇન્ડિયા પ્રાઇવેટ લિમિટેડ ઇશ્યૂના રજિસ્ટ્રાર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)