PRIMARY MARKET ZONE: આ સપ્તાહે 5 SME IPO રૂ. 171 કરોડ એકત્ર કરશે, મેઇનબોર્ડમાં કોઇ IPO નહિં

અમદાવાદ, 24 નવેમ્બરઃ નામી- અનામી કંપનીઓથી છલકાઇ રહેલા પ્રાઇમરી માર્કેટમાં ડિસ્કાઉન્ટ લિસ્ટિંગ અને નિરાશાજનક દેખાવ કરતાં ટોચના આઇપીઓના પગલે ધીરે ધીરે આઇપીઓના પૂર ઓસરી રહ્યા હોય તેમ આ સપ્તાહે રોકાણકારોને મેઇનબોર્ડ સેગમેન્ટમાંથી કોઈ નવો જાહેર ઇશ્યૂ જોવા મળશે નહીં. પરંતુ SME સેગમેન્ટમાં 5 કંપનીઓ આ અઠવાડિયે તેમના IPO લોન્ચ કરવા માટે તૈયાર છે, જે ૨૪ નવેમ્બરથી શરૂ થશે. આ પાંચ કંપનીઓ IPO દ્વારા રૂ. ૧૭૧ કરોડથી વધુ એકત્ર કરી રહી છે.

એસએસએમડી એગ્રોટેક ઇન્ડિયાઃ ૨૫ નવેમ્બરના રોજ રૂ. ૩૪ કરોડનો IPO ખોલશે, જેની પ્રાઇસબેન્ડ શેરદીઠ રૂ. ૧૧૪-૧૨૧ છે.

મધર ન્યુટ્રી ફૂડ્સઃ ગુજરાત સ્થિત B2B પીનટ બટર ઉત્પાદક 26 નવેમ્બરના રોજ તેનો 39.6 કરોડ રૂપિયાનો પબ્લિક ઇશ્યૂ ખોલશે. 111-117 રૂપિયાનો ફિક્સ્ડ પ્રાઇસ બેન્ડ છે.

કે કે સિલ્ક મિલ્સઃ 26 નવેમ્બરના રોજ તેનો 28.5 કરોડ રૂપિયાનો IPO લોન્ચ કરવા માટે તૈયાર છે, જેની કિંમત પ્રતિ શેર 36-38 રૂપિયા છે.

પર્પલ વેવ ઇન્ફોકોમઃ 120-126 રૂપિયાના પ્રાઇસ બેન્ડના ઉપરના છેડે 31.45 કરોડ રૂપિયા એકત્ર કરી રહી છે. આઇપીઓ 28મીએ ખુલશે

એક્સાટો ટેકનોલોજીઃ  IPO દ્વારા 37.45 કરોડ રૂપિયા એકત્ર કરવાનું લક્ષ્ય રાખે છે અને પ્રતિ શેર 133-140 રૂપિયા પર પ્રાઇસ બેન્ડ નક્કી કરે છે. આઇપીઓ તા. 28 નવેમ્બરે ખુલશે. દરમિયાન, સુદીપ ફાર્મા, જેણે 21 નવેમ્બરે 895 કરોડ રૂપિયાનો IPO ખોલ્યો છે, તે 25 નવેમ્બરે સબ્સ્ક્રિપ્શન માટે બંધ થાય છે. ઓફર પહેલા દિવસે 1.42 વખત સબસ્ક્રાઇબ થઈ હતી.

આ સપ્તાહે લિસ્ટેડ થવા જઇ રહેલા આઇપીઓ ઉપર એક નજર

મુખ્ય બોર્ડ સેગમેન્ટમાં, એક્સેલસોફ્ટ ટેક્નોલોજીસ 26 નવેમ્બરે BSE અને NSE પર તેનું લિસ્ટિંગ કરશે, ત્યારબાદ 28 નવેમ્બરે સુદીપ ફાર્મા લિસ્ટેડ થવા જઇ રહી છે. એક્સેલસોફ્ટ IPOમાં 43 ગણાથી વધુ સબ્સ્ક્રિપ્શન નોંધાયા હતા. ગયા સપ્તાહે 349 ગણાથી વધુ સબ્સ્ક્રિપ્શન સાથે IPO બંધ કર્યા પછી, 26 નવેમ્બરે ગેલાર્ડ સ્ટીલ SME સેગમેન્ટમાંથી એકમાત્ર કંપની હશે જે આ અઠવાડિયે લિસ્ટ થશે.એક્સેલસોફ્ટ ટેક્નોલોજીસના IPO શેરે ગ્રે માર્કેટમાં 6 ટકાથી વધુ પ્રીમિયમ આકર્ષ્યું, અને સુદીપ ફાર્માના શેરે 15 ટકાથી વધુ પ્રિમિયમ નોંધાવ્યું હોવાનું પ્રાઇમરી માર્કેટ નિષ્ણાતો જણાવે છે. ગેલાર્ડ સ્ટીલમાં 45 ટકાથી વધુ પ્રીમિયમ પર ટ્રેડિંગ કર્યું હોવાનું બજાર નિરીક્ષકોએ જણાવ્યું હતું.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)