સુપ્રીત કેમિકલ્સ લિમિટેડે સેબીમાં DRHPફાઇલ કર્યું

અમદાવાદ, 9 સપ્ટેમ્બરઃ સુપ્રીત કેમિકલ્સ લિમિટેડે આઈપીઓ માટે સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI)માં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે.

કંપની જૂજ સ્પેશિયાલિટી કેમિકલ ઇન્ટરમીડિયેટ્સ કંપનીઓ પૈકીની એક છે જેણે 15થી વધુ કેમિસ્ટ્રીઝ અને 15 જેટલા મલ્ટી-સ્ટેપ યુનિટ ઓપરેશન્સ અને પ્રોસેસીસ સહિત કોમ્પ્લેક્સ રિએક્શન્સ હાથ ધરવાની ક્ષમતા ધરાવે છે જેનાથી તે વિવિધ પ્રકારની એન્ડ-પ્રોડક્ટ્સ અને એપ્લિકેશન્સની જરૂરિયાતો પૂરી કરી શકે છે. તે એરોમેટિક અમાઇન્સ, સલ્ફોનામાઇડ્સ અને એમિનો ફેનોલ્સ ફેમિલીઝ પર આધારિત એમસીએ, સલ્ફોનામાઇડ્સ જેવા કેટલાક સ્પેશિયાલિટી કેમિકલ ઇન્ટરમીડિયેટ્સના અગ્રણી ઉત્પાદકો પૈકીની પણ એક છે.

કંપની રૂ. 499 કરોડ સુધીના મૂલ્યના ઇક્વિટી શેર્સના ફ્રેશ ઇશ્યૂ ધરાવતા આઈપીઓ દ્વારા ભંડોળ એકત્રિત કરવાની યોજના ધરાવે છે.

ઇશ્યૂમાંથી મળનારી કુલ રકમનો નીચે મુજબ ઉપયોગ કરવામાં આવશેઃ અંદાજે રૂ. 310 કરોડ મેન્યુફેક્ચરિંગ ફેસિલિટી 4 માટે મૂડી ખર્ચ માટે ભંડોળ માટે, અંદાજે રૂ. 65 કરોડની રકમ ચોક્કસ દેવાની ચૂકવણી કે પૂર્વચૂકવણી માટે અને બાકીની રકમ સામાન્ય કોર્પોરેટ હેતુઓ માટે.

કંપની સ્પેશિયાલિટી કેમિકલ ઇન્ટરમીડિયેટ્સમાં નિપુણતા ધરાવે છે અને કોમ્પ્લેક્સ કેમેસ્ટ્રીઝ અને મલ્ટી-સ્ટેપ યુનિટ ઓપરેશન્સ હાથ ધરવામાં મજબૂત અનુભવ ધરાવે છે. તેની પ્રોડક્ટ્સ ટેક્સટાઇલ્સ, ફાર્માસ્યુટિકલ્સ, પર્ફોર્મન્સ કેમિકલ્સ, પર્સનલ કેર, એગ્રોકેમિકલ્સ અને અન્ય ક્ષેત્રો સહિતના વિવિધ એન્ડ-યુઝ ઉદ્યોગોમાં વપરાય છે.

નાણાંકીય વર્ષ 2025 માટે કંપનીનો ચોખ્ખો નફો રૂ. 103 ટકા વધીને રૂ. 51.9 કરોડ થયો હતો જે અગાઉના નાણાંકીય વર્ષમાં રૂ. 25.6 કરોડ હતો. આ જ સમયગાળામાં આવકો 51.2 ટકા વધીને રૂ. 362.5 કરોડ થઈ હતી જે નાણાંકીય વર્ષ 2024માં રૂ. 239.8 કરોડ હતી.

DRHP મુજબ દીપક નાઇટ્રેટ, આરતી ઇન્ડસ્ટ્રીઝ, અતુલ, બાલાજી અમાઇન્સ, આલ્કીલ અમાઇન્સ કેમિકલ્સ, નિયોજેન કેમિકલ્સ અને રોસારી બાયોટેક તેની લિસ્ટિંગ થયેલી સાથી કંપનીઓ છે.

આઈઆઈએફએલ કેપિટલ સર્વિસીઝ લિમિટેડ આ ઇશ્યૂના બુક રનિંગ લીડ મેનેજર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)