ટેનેકો ક્લિન એર ઇન્ડિયાએ IPO માટે DRHP ફાઇલ કર્યું

અમદાવાદ, 7 જુલાઇઃ યુએસમાં મુખ્યાલય ધરાવતા ટેનેકો ગ્રૂપનો હિસ્સો ઓટોમોટિવ કોમ્પોનન્ટ સપ્લાયર ટેનેકો ક્લિન એર ઇન્ડિયા લિમિટેડે તેના પ્રારંભિક જાહેર ભરણા (આઇપીઓ) માટે ડ્રાફ્ટ રેડ હેરિંગ પ્રોસ્પેક્ટસ (ડીઆરએચપી) ફાઇલ કર્યું છે. ટેનેકો મોરિશિયસ હોલ્ડિંગ્સ લિમિટેડ, ટેનેકો (મોરિશિયસ) લિમિટેડ, ફેડરલ-મોગુલ ઇન્વેસ્ટમેન્ટ્સ બી.વી., ફેડરલ-મોગુલ પ્રાઇવેટ લિમિટેડ અને ટેનેકો એલએલસી કંપનીના પ્રમોટર છે.

આ ઓફરમાં ટેનેકો મોરેશિયસ હોલ્ડિંગ્સ લિમિટેડ (પ્રમોટર સેલિંગ શેરહોલ્ડર) દ્વારા રૂ. 3,000 કરોડ સુધીના ઓફર ફોર સેલનો સમાવેશ થાય છે. પ્રતિ ઇક્વિટી શેર મૂળ કિંમત રૂ. 10 છે.

ટેનેકો ક્લિન એર ઇન્ડિયા લિમિટેડ યુએસમાં મુખ્યાલય ધરાવતા વૈશ્વિક સ્તરે અગ્રણી ટિયર 1 ઓટોમોટિવ કોમ્પોનન્ટ સપ્લાયર ટેનેકો ગ્રૂપનો હિસ્સો છે. 31 ડિસેમ્બર, 2024ના રોજ સમાપ્ત થયેલાં વર્ષ માટે ટેનેકો ગ્રૂપની આવર 16,777 મિલિયન યુએસ ડોલર નોંધાઇ હતી. કંપનીએ વર્ષ 1979માં પરવાળૂ ખાતે ભારતમાં તેનો પ્રથમ મેન્યુફેક્ચરિંગ પ્લાન્ટ સ્થાપિત કર્યો હતો. કંપની ક્રિટિકલ, હાઇલી એન્જિનિયર્ડ અને ટેક્નોલોજી સઘન ક્લિન એર, પાવરટ્રેન અને સસ્પેન્શન સોલ્યુશન્સનું ઉત્પાદન અને સપ્લાય કરે છે, જે ભારતીય ઓઇએમ અને નિકાસ બજારો માટે તૈયાર કરાયેલા હોય છે.

રેડ હેરિંગ પ્રોસ્પેક્ટસ દ્વારા ઓફર થનારા ઇક્વિટી શેર્સ બીએસઇ લિમિટેડ (બીએસઇ) અને નેશનલ સ્ટોક એક્સચેન્જ ઓફ ઇન્ડિયા લિમિટેડ (એનએસઇ) ઉપર લિસ્ટ થવાની દરખાસ્ત છે.

જેએમ ફાઇનાન્સિયલ લિમિટેડ, સિટીગ્રૂપ ગ્લોબલ માર્કેટ્સ ઇન્ડિયા પ્રાઇવેટ લિમિટેડ, એક્સિસ કેપિટલ લિમિટેડ અને એચએસબીસી સિક્યુરિટીઝ એન્ડ કેપિટલ માર્કેટ્સ (ઇન્ડિયા) પ્રાઇવેટ લિમિટેડ ઇશ્યૂના બુક રનિંગ લીડ મેનેજર્સ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)