UTI મ્યુચ્યુઅલ ફંડે UTI મલ્ટી કેપ ફંડ લોન્ચ કર્યું, ન્યૂ ફંડ ઓફર 29 એપ્રિલે ખુલી

મુંબઈ, 1 મેઃ UTI મ્યુચ્યુઅલ ફંડે UTI મલ્ટી કેપ ફંડના લોન્ચની જાહેરાત કરી છે જે લાર્જ કેપ, મીડ કેપ અને સ્મોલ કેપ સેગમેન્ટ્સમાં રોકાણ કરતી ઓપન એન્ડેડ ઇક્વિટી સ્કીમ છે. તમારા પોર્ટફોલિયો માટે મલ્ટી-વિટામીન તરીકે સ્થિત આ ફંડ રોકાણકારોને તમામ માર્કેટ કેપનું મિશ્રણ હોય તેવું સિંગલ પોર્ટફોલિયો સોલ્યુશન આપે છે. આ ફંડ મલ્ટી કેપ ઇન્વેસ્ટિંગમાં સાઇઝ, સેક્ટર્સ અને સ્ટાઇલ એમ થ્રીએસ અભિગમને અનુસરે છે જે બજારના વિવિધ ચક્રોનો સામનો કરવા માટે બનાવવામાં આવ્યું છે. એનએફઓ 29 એપ્રિલ, 2025થી ખુલ્યોછે અને 13 મે, 2025ના રોજ બંધ થાય છે જેમાં લઘુતમ રૂ. 1,000 અને તેના પછી રૂ. 1ના ગુણાંકમાં રોકાણ કરી શકાય છે.

દરેક માર્કેટ કેપ સેગમેન્ટમાં 25 ટકાની શિસ્તબદ્ધ લઘુતમ ફાળવણી સાથે UTI મલ્ટી કેપ ફંડનો ઉદ્દેશ મહત્તમ પોર્ટફોલિયો ડાયવર્સિફિકેશન પૂરું પાડવાનો છે. આ ફંડ બ્લેન્ડ સ્ટ્રેટેજીને અનુસરે છે જે ટકાઉ બિઝનેસમાં અને એવી કંપનીઓમાં રોકાણ કરે છે જે મજબૂત ફંડામેન્ટલ્સ ધરાવતી હોય, આકર્ષક વેલ્યુએશન્સ પર ઉપલબ્ધ હોય અને સંભવિત ટર્નઅરાઉન્ડ સ્ટોરી ધરાવતી હોય.

ખાસ વિશેષતાઓઃ

ફંડના લોન્ચ અંગે ટિપ્પણી કરતા UTI એએમસીના ચીફ ઇન્વેસ્ટમેન્ટ ઓફિસર વેત્રી સુબ્રમણ્યમે જણાવ્યું હતું કે UTI મલ્ટી કેપ ફંડ લાંબા ગાળે સંપત્તિ સર્જન સાથે સંલગ્ન હોય તેવા કાળજીપૂર્વક તૈયાર કરેલા ઇન્વેસ્ટમેન્ટ સોલ્યુશન્સ પૂરા પાડવાની અમારી વ્યાપક પ્રતિબદ્ધતા દર્શાવે છે. અમે માનીએ છીએ કે વ્યૂહાત્મક ડાયવર્સિફિકેશન સાથે મુખ્ય ઇક્વિટી પોર્ટફોલિયો બનાવવા માંગતા રોકાણકારો માટે આ અસરકારક ઉમેરો છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)