ફ્યુઝન CX:1000 કરોડના IPO માટે DRHP ફાઇલ કર્યું

અમદાવાદ, 29 મેઃ કસ્ટમર એક્સપિરિયન્સ (CX) સર્વિસ પ્રદાતા ફ્યુઝન CX લિમિટેડે પ્રારંભિક જાહેર ઓફર (IPO) દ્વારા રૂ. 1000 કરોડ એકત્ર કરવા મૂડી બજારની નિયમનકાર સેબી સમક્ષ ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. ડીઆરએચપી મુજબ કોલકાતામાં મુખ્ય મથક ધરાવતી કંપનીની પ્રારંભિક જાહેર ઓફરમાં રૂ. 600 કરોડ સુધીના ઇક્વિટી શેરનો નવો ઇશ્યૂ અને રૂ. 400 કરોડ સુધીના ઇક્વિટી શેરનો વેચાણ માટે ઓફરનો સમાવેશ થાય છે. ઓએફએસમાં પ્રમોટર સેલિંગ શેરહોલ્ડરો પી એન એસ બિઝનેસ પ્રાઇવેટ લિમિટેડ અને રસિશ કન્સલ્ટન્ટ્સ પ્રાઇવેટ લિમિટેડ દ્વારા હિસ્સાનું વેચાણ શામેલ છે. ફ્યુઝન સીએક્સ નવા ઇશ્યૂમાંથી મળેલી રકમના ઉપયોગમાં દેવાની ચુકવણી માટે રૂ. 292 કરોડ, સ્ટેપ-ડાઉન પેટાકંપનીઓ – ઓમાઇન્ડ ટેક્નોલોજીસ ઇન્ક અને ઓમાઇન્ડ ટેક્નોલોજીસ પ્રાઇવેટ લિમિટેડ – માં આઇટી ટૂલ્સને અપગ્રેડ કરવા માટે રૂ. 75 કરોડના રોકાણ માટે કરવાનો પ્રસ્તાવ મૂકે છે.
આ ઉપરાંત ભંડોળનો ઉપયોગ વણઓળખાયેલા એક્વિઝિશન અને અન્ય વ્યૂહાત્મક પહેલ અને સામાન્ય કોર્પોરેટ હેતુઓ દ્વારા ઇનઓર્ગેનિક વૃદ્ધિને આગળ ધપાવવા માટે કરવામાં આવશે.

2004માં સ્થાપિત ફ્યુઝન સીએક્સ જનરેટિવ AI-સંચાલિત ટેકનિકના વ્યાપક સ્પેક્ટ્રમ દ્વારા ઈન્ટેલિજન્ટ, બહુભાષી અને સર્વગ્રાહી જોડાણને સક્ષમ બનાવવા માટે પ્રોપ્રાઈટરી એઆઈ સાધનોના પોર્ટફોલિયો સાથે ઊંડા ડોમેન કુશળતાનું મિશ્રણ કરે છે જેનાથી ગ્રાહક જોડાણ, ઓપરેશનલ કાર્યક્ષમતા અને ડિજિટલ પરિવર્તનને વેગ મળે છે.
31 ડિસેમ્બર, 2024 સુધીમાં, તેણે 15 દેશોમાં 40 ડિલિવરી સેન્ટર સાથે બહુભાષી વૈશ્વિક નેટવર્ક વિકસાવ્યું છે. તેના 197 ગ્રાહકોના ક્લાયન્ટ પોર્ટફોલિયોમાં 22 ફોર્ચ્યુન 1000 કંપનીઓનો સમાવેશ થાય છે અને તેના કેટલાક મુખ્ય ગ્રાહકોમાં DMEC કેપિટલ સર્વિસિસ, ટેલેડ, અચીવ કલેક્શન, અમેરીફ્લેક્સ, કોસ્ટલાઇન, અજિયો, મીશો, કોલ કોર મીડિયા, અરવિંદ ફેશન, પ્રોપન્યુ એસ.એ., લિયોનાર્ડો હોટેલ્સ, ઇન્શ્યોરન્સ એક્સપ્રેસ, K2 ક્લેમ્સ સર્વિસીસ સેન્ટ્રી ક્રેડિટ અને ટ્રાયાનો સમાવેશ થાય છે.
નાણાકીય મોરચે, ફ્યુઝન CX એ નાણાકીય વર્ષ 24 માટે રૂ. 991 કરોડની કામગીરીમાંથી આવક અને રૂ. 36 કરોડનો ટેક્સ પછીનો નફો (PAT) નોંધાવ્યો હતો, જ્યારે નાણાકીય વર્ષ 25 (9MFY25) ના રોજ પૂરા થયેલા નવ મહિના માટે તેની આવક રૂ. 925 કરોડ હતી જેમાં રૂ. 47 કરોડનો PAT હતો.
નુવામા વેલ્થ મેનેજમેન્ટ, IIFL કેપિટલ સર્વિસિસ અને મોતીલાલ ઓસ્વાલ ઇન્વેસ્ટમેન્ટ એડવાઇઝર્સ આ ઇશ્યૂના બુક રનિંગ લીડ મેનેજર છે. ઇક્વિટી શેર BSE અને NSE પર લિસ્ટેડ કરવાનો પ્રસ્તાવ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)