ઓરિએન્ટ કેબલ્સે રૂ. 700 કરોડના IPO માટે સેબીમાં DRHP ફાઇલ કર્યું

અમદાવાદ, 15 જુલાઇઃ ઓરિએન્ટ કેબલ્સ (ઇન્ડિયા) લિમિટેડે મૂડીબજાર નિયામક સિક્યુરિટીઝ એન્ડ એક્સચેન્જ બોર્ડ ઓફ ઇન્ડિયા (સેબી)માં તેનું ડ્રાફ્ટ રેડ હેરિંગ પ્રોસ્પેક્ટસ (DRHP) ફાઇલ કર્યું છે. કંપની રૂ. 7000 મિલિયન (રૂ. 700 કરોડ) (કુલ ઇશ્યૂ સાઇઝ)ના ઇક્વિટી શેર્સની (પ્રતિ શેર મૂળ કિંમત રૂ. 1) કુલ ઓફર સાથે પ્રારંભિક જાહેર ભરણા દ્વારા ભંડોળ એકત્ર કરવાની યોજના ધરાવે છે. આ ઓફરમાં રૂ. 3200 મિલિયન (રૂ. 320 કરોડ) સુધીના ઇક્વિટી શેર્સનો ફ્રેશ ઇશ્યૂ અને સેલિંગ શેરહોલ્ડર્સ દ્વારા રૂ. 3800 મિલિયન (રૂ. 380 કરોડ)નો ઓફર ફોર સેલ સામેલ છે.

કંપની IPO દ્વારા પ્રાપ્ત ભંડોળનો ઉપયોગ (1) તેની ઉત્પાદન સુવિધાઓ ખાતે મશીનરી, ઉપકરણો અને સિવિલ વર્ક માટે રૂ. 915 મિલિયનની (રૂ. 91.50 કરોડ) અંદાજિત રકમના મૂડી ખર્ચની જરૂરિયાત માટે, (2) કંપની દ્વારા અંદાજે રૂ. 1555 મિલિયન (રૂ. 155.50 કરોડ)ના ઋણની સંપૂર્ણ ચૂકવણી અથવા આંશિક ચૂકવણી માટે તથા બાકીની રકમનો ઉપયોગ કોર્પોરેટના સામાન્ય હેતુઓ માટે કરવાની દરખાસ્ત છે.

1Lattice રિપોર્ટ મૂજબ ઓરિએન્ટ કેબલ્સ નાણાકીય વર્ષ 2023થી નાણાકીય વર્ષ 2024 વચ્ચે અંદાજે 23.18 ટકા સીએજીઆર આવક સાથે વાયર્સ અને કેબલ્સ ઇન્ડસ્ટ્રી*માં ઝડપથી વૃદ્ધિ સાધતી કંપનીઓ પૈકીની એક છે તેમજ નાણાકીય વર્ષ 2023થી 2025 દરમિયાન તેના પિઅર્સની સરેરાશ આવક અંદાજે 11.48 ટકા સીએજીઆર નોંધાઇ છે.

રેડ હેરિંગ પ્રોસ્પેક્ટસ દ્વારા ઓફર થનારા ઇક્વિટી શેર્સ બીએસઇ લિમિટેડ (બીએસઇ) અને નેશનલ સ્ટોક એક્સચેન્જ ઓફ ઇન્ડિયા (એનએસઇ) ઉપર લિસ્ટ કરવાન દરખાસ્ત છે.

આઇઆઇએફએલ કેપિટલ સર્વિસિસ લિમિટેડ અને જેએમ ફાઇનાન્સિયલ લિમિટેડ ઇશ્યૂના બુક રનિંગ લીડ મેનેજર્સ છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)