પ્રાઇમરી માર્કેટ ઝોનઃ આ સપ્તાહે મેઇનબોર્ડમાં એકપણ IPO નહિં, SMEમાં ફક્ત એક  IPO

અમદાવાદ, 30 માર્ચઃ ઇરાન- ઇઝરાયેલ- યુએસ વોર અને જિયો પોલિટિકલ ક્રાઇસિસના કારણે ગત સપ્તાહે નિફ્ટી શુક્રવારે 2 ટકાથી વધુ અને ફેબ્રુઆરીના હાયર લેવલથી 13 ટકાથી વધુ તૂટ્યો છે. તેની અસરરૂપે 30 માર્ચથી શરૂ થતા આ અઠવાડિયે મેઈનબોર્ડ સેગમેન્ટમાં કોઈ નવો IPO લોન્ચ થશે નહીં, પરંતુ આ અઠવાડિયે SME સેગમેન્ટમાં ફક્ત એક જ IPO લોન્ચ થશે. ઉત્તર પ્રદેશ સ્થિત સેફ્ટી કંટ્રોલ્સ એન્ડ ડિવાઇસીસ એકમાત્ર જાહેર ઇશ્યૂ હશે, જે આ અઠવાડિયે 6 એપ્રિલે પ્રતિ શેર રૂ. 75-80 ના પ્રાઇસ બેન્ડ સાથે ખુલશે. કંપની અપર પ્રાઇસબેન્ડ આધારીત 60 લાખ શેરના પ્રારંભિક જાહેર ઓફર (IPO) દ્વારા રૂ. 48 કરોડ એકત્ર કરવાનો ઇરાદો ધરાવે છે.

આ ઉપરાંત, વિવિડ ઇલેક્ટ્રોમેક ૩૦ માર્ચે તેનો રૂ. 130.05 કરોડનો IPO બંધ કરશે, જ્યારે Emiac ટેક્નોલોજીસ ઓફર 8 એપ્રિલ સુધી ખુલ્લો રહેશે. તેમને અત્યાર સુધી અનુક્રમે 63 ટકા અને 11 ટકા સબસ્ક્રાઇબ કરવામાં આવ્યા છે.

30મી માર્ચે સેન્ટ્રલ માઇન પ્લાનિંગનું થશે લિસ્ટિંગ

Listing of Central Mine Planning

લિસ્ટિંગ મોરચે, કોલ ઇન્ડિયાની પેટાકંપની સેન્ટ્રલ માઇન પ્લાનિંગ એન્ડ ડિઝાઇન ઇન્સ્ટિટ્યૂટ આ અઠવાડિયે ૩૦ માર્ચે શેરબજારમાં લિસ્ટિંગ માટે નિર્ધારિત પ્રથમ મુખ્ય કંપની હશે, જ્યારે SME સેગમેન્ટમાંથી, સ્પેશિયાલિટી મેડિસિન્સ તે જ દિવસે BSE SME પર ડેબ્યૂ કરવા માટે તૈયાર છે. પાવરિકા, સાઈ પેરેન્ટેરલ્સ અને અમીર ચંદ જગદીશ કુમાર (એક્સપોર્ટ્સ) ના પગલે છે, જે 2 એપ્રિલથી BSE અને NSE પર ટ્રેડિંગ શરૂ કરશે. સેન્ટ્રલ માઇન પ્લાનિંગ એન્ડ ડિઝાઇન ઇન્સ્ટિટ્યૂટના શેર ગ્રે માર્કેટમાં 3-4 ટકાના સાધારણ બિન સત્તાવાર પ્રીમિયમ પર ટ્રેડ થયા હોવાનું પ્રાઇમરી માર્કેટ નિષ્ણાતોએ નામ નહિં આપવાની શરતે જણાવ્યું હતું. જ્યારે પાવરિકા અને અમીર ચંદ માટે ટ્રેડિંગ પ્રીમિયમ અંતિમ ઇશ્યૂ ભાવ કરતાં લગભગ 1-2 ટકા હતું પરંતુ સાઈ પેરેન્ટેરલ્સ કોઈ પ્રીમિયમ આકર્ષી શક્યા નહિં હોવાનું બજાર નિરીક્ષકોએ જણાવ્યું હતું. વધુમાં, SME સેગમેન્ટમાં, Tipco Engineering India અને Highness Microelectronicsના શેર BSE SME પર ટ્રેડિંગ માટે ઉપલબ્ધ થશે, જે અનુક્રમે 1 એપ્રિલ અને 2 એપ્રિલથી અમલમાં આવશે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)