તાજેતરમાં લિસ્ટેડ 25 ટકાથી વધુ IPOમાં નેગેટિવ રિટર્નના કારણે રિટેલ, NIIનો રસ નબળો પડી રહ્યો છે

અમદાવાદ, 19 માર્ચઃ નબળા લિસ્ટિંગ અને નીચા કે નેગેટિવ રિટર્નના કારણે તાજેતરમાં યોજાયેલા આઇપીઓમાં રિટેલ અને બિન-સંસ્થાકીય રોકાણકારો તરફથી સબ્સ્ક્રિપ્શનમાં ઘટાડાનો ટ્રેન્ડ જોવા મળ્યો છે, જોકે સંસ્થાકીય રોકાણકારો દ્વારા એકંદર માંગને ટેકો મળ્યો છે. તાજેતરમાં લિસ્ટેડ 25 ટકાથી વધુ IPOમાં શૂન્ય કે નેગેટિવ રિટર્નના કારણે રિટેલ, NIIનો રસ નબળો પડી રહ્યો છે.

તાજેતરમાં શરૂ કરાયેલા આઇપીઓમાં રિટેલ રોકાણકારોની ભાગીદારી ઓછી જોવા મળી છે, મોટાભાગના ઇશ્યૂ આ સેગમેન્ટમાં ઓછા સબ્સ્ક્રાઇબ થયા છે, જ્યારે બિન-સંસ્થાકીય રોકાણકારોની માંગ પણ ઘણા કિસ્સાઓમાં નબળી રહી છે, કારણ કે ઊંચા મૂલ્યાંકન અને ગૌણ બજારમાં અસ્થિરતા રોકાણકારોમાં વધુ સાવચેતીભર્યું વલણ અપનાવવા માટે પ્રેરિત કરે છે.

ફેબ્રુઆરીના અંતથી, પાંચ IPO લોન્ચ કરવામાં આવ્યા છે, જેમાં Omnitech Engineering Ltd, SEDEMAC Mechatronics, Rajputana Stainless, Innovision Ltd, GSP Crop Scienceનો સમાવેશ થાય છે.

ઓમ્નિટેક એન્જિનિયરિંગનો IPO એકંદરે 1.14 ગણો સબસ્ક્રાઇબ થયો હતો, તેમાં રિટેલ અને NII પોર્શન અનુક્રમે 0.33 ગણા અને 0.73 ગણા અન્ડરસબ્સ્ક્રાઇબ થયા હતા.

સેડેમેક મેકાટ્રોનિક્સનો IPO એકંદરે 2.68 ગણો સબસ્ક્રાઇબ થયો હતો, જોકે રિટેલ અને NII સેગમેન્ટ્સ 0.2 ગણા અને 0.53 ગણા અન્ડરસબ્સ્ક્રાઇબ રહ્યા હતા.

રાજપૂતાના સ્ટેનલેસ 1.12 ગણો સબસ્ક્રાઇબ થયો હતો. સંસ્થાકીય ખરીદદારો અને NIIએ તેમના હિસ્સાને સંપૂર્ણ રીતે સબસ્ક્રાઇબ કર્યા હતા, પરંતુ  રિટેલ પોર્શન 0.27 ગણો ઓછો રહ્યો હતો. કંપનીએ ઓછામાં ઓછા બે સંસ્થાકીય રોકાણકારો રાખવાની નિયમનકારી આવશ્યકતાઓને પૂર્ણ કરવામાં નિષ્ફળ ગયા પછી તેની એન્કર બુક પણ પાછી ખેંચી લીધી હતી અને બાદમાં તેની લિસ્ટિંગ 19 માર્ચ સુધી મુલતવી રાખી હતી, જ્યારે રોકાણકારોને બિડ પાછી ખેંચવાની મંજૂરી આપ્યા પછી ફાળવણી 17 માર્ચ સુધી મુલતવી રાખી હતી.

ઇનોવિઝન લિમિટેડ એકંદરે 3.32 ગણો સબસ્ક્રાઇબ થયો હતો, પરંતુ મજબૂત સંસ્થાકીય અને NII માંગ છતાં રિટેલ પોર્શન 0.58 ગણો ઓછો રહ્યો હતો.

GSP ક્રોપ સાયન્સ એકંદરે 1.2 ગણો સબસ્ક્રાઇબ કરવામાં આવ્યો, જેને સંસ્થાકીય ખરીદદારો અને NII દ્વારા ટેકો મળ્યો, જ્યારે રિટેલ ભાગ 0.34 ગણો અન્ડરસબ્સ્ક્રાઇબ રહ્યો હતો.

25 ટકા લિસ્ટેડ કંપનીઓમાં શૂન્ય અથવા નેગેટિવ રિટર્ન

આ પરિવર્તન IPO કામગીરીમાં બદલાતા પરિણામોને પ્રતિબિંબિત કરે છે. 2025માં, સરેરાશ લિસ્ટિંગ લાભો અગાઉના 29 ટકાથી ઘટીને લગભગ 8 ટકા થઈ ગયા છે, જ્યારે લગભગ 25 ટકા IPOએ લિસ્ટિંગ પર શૂન્ય અથવા નેગેટિવ વળતર આપ્યું અને લિસ્ટિંગ પછી અડધાથી વધુ નેગેટિવ વળતર આપ્યું છે. પરિણામે, અગાઉનો લિસ્ટિંદગના દિવસે નફાનું ભજિયું ખાવાનો અભિગમ નબળો પડ્યો છે. અને રોકાણકારો વધુ સાવધ બન્યા. છેલ્લા 12-18 મહિનાના અનુભવો પછી રોકાણકારો પણ વધુ સમજદાર બની રહ્યા છે. પ્રીમિયમ પર લિસ્ટ થયેલા ઘણા IPO પાછળથી ઓછા અથવા નેગેટિવ વળતર આપતા હતા. મૂલ્યાંકન એક મુખ્ય ચિંતાનો વિષય રહ્યો છે. આ ગાળા દરમિયાન બેન્ચમાર્ક સૂચકાંકો સેન્સેક્સ અને નિફ્ટી લગભગ 10 ટકા ઘટ્યા છે, જ્યારે વ્યાપક બજારો લગભગ 11 ટકા ઘટ્યા છે, વિદેશી રોકાણકારોએ સેકન્ડરી બજારોમાં $7 બિલિયનથી વધુનું વેચાણ કર્યું છે. બ્રોકરેજિસે ચેતવણી આપી છે કે જો ક્રૂડના ભાવ ઊંચા રહે તો નાણાકીય વર્ષ 2027 માટે કમાણીના અંદાજમાં 10 ટકાથી 15 ટકાના ઘટાડાનું જોખમ રહી શકે છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)