કનોડિયા સિમેન્ટે સેબીમાં DRHP ફાઇલ કર્યું
અમદાવાદ, 26 મેઃ પોર્ટલેન્ડ પોઝોલાના સિમેન્ટ અને કમ્પોઝિટ સિમેન્ટ જેવા બ્લેન્ડેડ સિમેન્ટના ઉત્પાદનમાં નિપુણતા ધરાવતી ઉત્તર પ્રદેશ અને બિહારમાં સેટેલાઇટ ગ્રાઇન્ડિંગ યુનિટ્સ (“SGUs”) દ્વારા કામ કરતી સિમેન્ટ ઉત્પાદક કંપની કનોડિયા સિમેન્ટ લિમિટેડે બજાર નિયામક સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (“SEBI”)માં તેનું ડ્રાફ્ટ રેડ હેરિંગ પ્રોસ્પેક્ટસ (“DRHP”) ફાઇલ કર્યું છે.
કંપની આઈપીઓ થકી ઇક્વિટી શેર મૂડીની ઓફર દ્વારા ફંડ એકત્રિત કરવાની યોજના ધરાવે છે. પબ્લિક ઓફરમાં શેર દીઠ રૂ. 10ની ફેસ વેલ્યુના 1,49,13,930 જેટલા ઇક્વિટી શેર્સના વેચાણ માટેની ઓફરનો સમાવેશ થાય છે. ક્રિસિલના રિપોર્ટ મુજબ 31 ડિસેમ્બર, 2024 સુધીમાં કંપની 3.54 એમટીપીએની કુલ સિમેન્ટ ઉત્પાદન ક્ષમતા સાથે પાંચ સેટેલાઇટ ગ્રાઇન્ડિંગ યુનિટ્સ (“SGUs”) ચલાવે છે. નાણાંકીય વર્ષ 2014થી નાણાંકીય વર્ષ 2024 દરમિયાન તેની સ્થાપિત સિમેન્ટ ગ્રાઇન્ડિંગ ક્ષમતા 22.12 ટકાન સીએજીઆર પર વધી છે જેની સામે ઉદ્યોગની સરેરાશ 7.31 ટકા અને સાથી કંપનીઓની સરેરાશ 9.64 ટકા. કંપની નાણાંકીય વર્ષ 2022થી નાણાંકીય વર્ષ 2024 દરમિયાન સેલ્સ વોલ્યુમમાં વધારાની બાબતે પણ સૌથી ઝડપથી વિકસતી સિમેન્ટ ઉત્પાદક કંપનીઓ પૈકીની બની છે અને 36.14 ટકાના સીએજીઆર સાથે વૃદ્ધિ નોંધાવી છે જેની સામે ઉદ્યોગની સરેરાશ 11.10 ટકા અને સાથી કંપનીઓની સરેરાશ 8.80 ટકા હતી (સ્ત્રોતઃ ક્રિસિલ રિપોર્ટ). આ ઉપરાંત કનોડિયા સિમેન્ટ નાણાંકીય વર્ષ 2022થી નાણાંકીય વર્ષ 2024 દરમિયાન કામગીરીથી આવકમાં વધારાની બાબતે પણ સૌથી ઝડપથી વિકસતી સિમેન્ટ ઉત્પાદક કંપનીઓ પૈકીની બની છે અને 34.83 ટકાના સીએજીઆર સાથે વૃદ્ધિ નોંધાવી છે જેની સામે ઉદ્યોગની સરેરાશ 13.61 ટકા અને સાથી કંપનીઓની સરેરાશ 12.04 ટકા હતી (સ્ત્રોતઃ ક્રિસિલ રિપોર્ટ).
આનંદ રાઠી એડવાઇઝર્સ લિમિટેડ, આઈઆઈએફએલ કેપિટલ સર્વિસીઝ લિમિટેડ અને વનવ્યૂ કોર્પોરેટ એડવાઇઝર્સ લિમિટેડ આ ઇશ્યૂના બુક રનિંગ લીડ મેનેજર્સ (બીઆરએલએમ) છે.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
