પાઈન લેબ્સે સેબી સમક્ષ DRHP ફાઈલ કર્યું

અમદાવાદ, 2 જુલાઇઃ ડિજિટલ પેમેન્ટ્સ દ્વારા વેપારને ડિજિટાઈઝડ્ કરવા પર તથા વેપારીઓ, કન્ઝ્યૂમર બ્રાન્ડ્સ, ઉદ્યોગો તથા નાણાકીય સંસ્થાનોને ઉકેલો પૂરા પાડવા પર ધ્યાન કેન્દ્રીત કરતી ટેક્નોલોજી કંપની પાઈન લેબ્સ લિમિટેડએ સેબી સમક્ષ ડ્રાફ્ટ રેડ હેરિંગ પ્રોસ્પેક્ટ્સ (DRHP) ફાઈલ કર્યું છે. આ ઓફરમાં ₹26,000 મિલિયન (₹2600 કરોડ) સુધીના નવા ઇક્વિટી શેર્સ અને વેચાણ કરનારા શેરધારકો દ્વારા 147,822,225 ઇક્વિટી શેરનો સમાવેશ થાય છે.

પાઈન લેબ્સે 31 ડિસેમ્બર, 2024 ના રોજ પૂરાં થયેલા નવ મહિનાના સમયગાળામાં તેના પ્લેટફોર્મ દ્વારા ₹7531.05 બિલિયન-ગ્રોસ ટ્રાન્ઝેક્શન વેલ્યુ (“GTV”) ની ચુકવણીઓ અને 3.97 બિલિયન ટ્રાન્ઝેક્શન પાર પાડ્યાં હતાં. 31 ડિસેમ્બર, 2024ના રોજ, કંપનીમાં 915,731 વેપારીઓ, 666 ગ્રાહક બ્રાન્ડ્સ અને સાહસો અને 164 નાણાકીય સંસ્થાઓ હતી.

પાઈન લેબ્સ તેના ડિજિટલ ઈન્ફ્રાસ્ટ્રક્ચર અને ટ્રાન્ઝેક્શન પ્લેટફોર્મ તથા ઈસ્યુઈંગ અને એક્વાયરિંગ પ્લેટફોર્મ અંતર્ગત સેવાઓનો વ્યાપક સમૂહ ઉપલબ્ધ બનાવે છે. રેડસીઅરના રિપોર્ટમાં જણાવ્યાં અનુસાર, કંપનીના મુખ્ય બજાર એવા ભારતમાં નાણાકીય વર્ષ 2024માં ટ્રાન્ઝેક્શનના મૂલ્યની દૃષ્ટિએ ક્લોઝ્ડ અને સેમિ-ક્લોઝ્ડ લૂપ ગિફ્ટ કાર્ડ ઈસ્યુઅન્સની તે સૌથી મોટી કંપની હતી. રેડસીઅર રિપોર્ટ અનુસાર, કુલ પ્રોસેસ્ડ વેલ્યુની રીતે પણ DCPsમાં કિફાયતી સમાધાન ઉપલબ્ધ બનાવનાર ટોચના પાંચ ઈન-સ્ટોર ડિજિટલ પ્લેટફોર્મ્સ પૈકીની તે સૌથી મોટી કંપની બની હતી અને નાણાકીય વર્ષ 2024માં તે ભારત કનેક્ટ ટ્રાન્ઝેક્શન્સ પ્રોસેસિંગ સોલ્યુશન પૂરાં પાડનાર અગ્રણી કંપની બની હતી.

રેડ હેરિંગ પ્રોસ્પેક્ટસ દ્વારા ઓફર કરવામાં આવનારા ઇક્વિટી શેર્સ બીએસઈ લિમિટેડ (“બીએસઈ”) અને નેશનલ સ્ટોક એક્સચેન્જ ઓફ ઇન્ડિયા લિમિટેડ (“એનએસઈ”) પર લિસ્ટેડ થવાનો પ્રસ્તાવ છે. (“લિસ્ટિંગની વિગતો”)

એક્સિસ કેપિટલ લિમિટેડ, મોર્ગન સ્ટેન્લી ઇન્ડિયા કંપની પ્રાઇવેટ લિમિટેડ, સિટીગ્રૂપ ગ્લોબલ માર્કેટ્સ ઇન્ડિયા પ્રાઇવેટ લિમિટેડ, જે.પી. મોર્ગન ઇન્ડિયા પ્રાઇવેટ લિમિટેડ અને જેફ્રીસ ઇન્ડિયા પ્રાઇવેટ લિમિટેડ આ ઇશ્યુના બુક રનિંગ લીડ મેનેજર છે.

(Disclaimer: The information provided here is investment advice only. Investing in the markets is subject to risks and please consult your advisor before investing.)

(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)