ઓટોમોટિવ લક્ઝરીનો નવો યુગ: MG સિલેક્ટે સુરતમાં એક્સપીરિયંસ સેન્ટરનું ઉદ્ઘાટન કર્યું
| બ્રાન્ડે ભારતના 14 મુખ્ય શહેરોમાં 15 સેન્ટર્સમાં બ્રાન્ડના પ્રથમ લક્ઝરી મોડેલ્સ – એમજી એમ9 અને સાયબરસ્ટરને પ્રદર્શિત કર્યા છે. | એમજી સિલેક્ટ એક્સપીરિયન્સ સેન્ટર્સ સુરત જેવા લક્ઝરી માર્કેટમાં કસ્ટમાઇઝ્ડ અને અનુભવપૂર્ણ વાતાવરણ રજૂ કરે છે. |
સુરત, 17 માર્ચ, 2026: જેએસડબ્લ્યુ એમજી મોટર ઇન્ડિયાએ MG SELECT સાથે નવા યુગની ઓટોમોટિવ લક્ઝરીને રજૂ કરવા સાથે સુરતમાં તેના નવીનતમ અને સૌથી મોટા એક્સપીરિયન્સ સેન્ટરનું ઉદ્ઘાટન કર્યું છે. ‘રીઇમેજિનિંગ લક્ઝરી’ની ફિલસૂફી પર આધારિત, એમજી સિલેક્ટ એક્સપીરિયન્સ સેન્ટર્સ ભારતમાં કાર ખરીદદારો માટે સંવેદનાત્મક અનુભવો, વ્યક્તિગત સેવાઓ, નવા યુગના વૈભવ્ય, નવીનતા અને ટકાઉપણાં સાથેની મિશ્રિત આઇકોનિક પ્રોડક્ટ લાઇનની રજૂઆત કરે છે.
આર્ટ ગેલેરીઓની સ્થાનિક અભિવ્યક્તિથી પ્રેરિત થઈને, એમજી સિલેક્ટ એક્સપીરિયન્સ સેન્ટર્સ ભવ્ય, પ્રાકૃતિક અને અનંત શ્વેત પરિદ્દશ્યો સાથે ડિઝાઇન કરવામાં આવ્યા છે, દરેક શોરૂમ એક એવું અતિવાસ્તવ વાતાવરણ રજૂ કરે છે, જે સ્પષ્ટ અને સરળ પ્રવાહને ઉજાગર કરે છે. જ્યાં ‘ઓછું જ વધારે છે’ સિદ્ધાંત લાગુ પડે છે ત્યાં વિશિષ્ટતા પર ધ્યાન કેન્દ્રિત કરીને, આ કાર શિલ્પ કલાના એક ભાગ તરીકે કેન્દ્ર બિંદુ બની જાય છે, જે કાર ખરીદદારોને પોતાનામાં તલ્લીન કરી દે છે.
જેએસડબ્લ્યુ એમજી મોટર ઇન્ડિયાના એમજી સિલેક્ટના હેડ મિલિંદ શાહે જણાવ્યું, “એમજી સાયબરસ્ટર અને એમજી એમ9 લોન્ચ થયા પછી તેમને મળેલા જબરદસ્ત પ્રતિસાદને લઈને અમે ખૂબ જ ખુશ છીએ. જેએસડબ્લ્યુ એમજી મોટર ઇન્ડિયા લક્ઝરી ઇવી સેગમેન્ટમાં બીજા ક્રમની સૌથી મોટી* બ્રાન્ડ બની ગઈ છે, જે બંને કારની સંયુક્ત સફળતા થકી એક પ્રભાવશાળી સીમાચિહ્નરૂપ સિદ્ધિ છે. સુરત ગ્રાહકોના સકારાત્મક પ્રતિભાવ સાથે લક્ઝરી ઓટોમોબાઈલના હબ તરીકે ઝડપથી ઉભરી રહ્યું છે. અમે એક એવું શાનદાર ઓટોમોટિવ વાતાવરણ પૂરૂં પાડવા માટે પ્રતિબદ્ધ છીએ જે સુસંગત હોય, ટેકનોલોજી-આધારિત હોય અને આ ધબકતાં શહેરમાં અમારા ગ્રાહકોની આકાંક્ષાઓ સાથે વાસ્તવિક રીતે પડઘો પાડતું હોય.”
એમજી સિલેક્ટ સુરતના ડીલર પ્રિન્સિપાલ સોનમ જૈને જણાવ્યું, “આ સેન્ટર પરંપરાગત શોરૂમ અનુભવથી આગળ વધીને, સુરતમાં અમારા સૂક્ષ્મદર્શી ગ્રાહકો માટે ઓટોમોટિવ લક્ઝરીને એક નવી વ્યાખ્યા આપે છે. આનાથી એક એવો જમસમૂહ પણ વિકસિત થશે જ્યાં દરેક ગ્રાહકની આકાંક્ષાઓ પૂર્ણ થશે અને તેમના સમર્થનની ખરેખર કદર કરવામાં આવશે.”
એમજી સાયબરસ્ટરની એક્સ-શોરૂમ કિંમત ₹74.99 લાખ
ન્યૂ સિટી લાઇટ એરિયામાં સ્થિત, આ એક્સપીરિયંસ સેન્ટર ભારતના 13 મુખ્ય શહેરો ઉપસ્થિત 14 એમજી સિલેક્ટ સેન્ટરનો એક ભાગ છે. વિશ્વની સૌથી ઝડપી એમજી – એમજી સાયબરસ્ટર અને એમજી એમ9 – પ્રેસિડેન્શિયલ લિમોઝીનને નજીકથી જાણવા માટે ઉત્સાહીઓ માટે પ્રદર્શિત કરવામાં આવશે. 580 કિમીની એઆરએઆઈ સર્ટિફાઇડ રેન્જ અને માત્ર 3.2 સેકન્ડના 0-100 કિમી/કલાક એક્સલરેશન ટાઇમ સાથેની એમજી સાયબરસ્ટરની એક્સ-શોરૂમ કિંમત ₹74.99 લાખ છે. જ્યારે એમજી એમ9ની એક્સ-શોરૂમ કિંમત ₹69.90 લાખ છે.
(Disclaimer: The information provided here is investment advice only. Investing in the markets is subject to risks and please consult your advisor before investing.)
(સ્પષ્ટતા: અત્રેથી આપવામાં આવતી તમામ પ્રકારની માહિતી કોઇપણ પ્રકારે રોકાણ/ ટ્રેડીંગ માટેની સલાહ નથી. બજારોમાં રોકાણ જોખમોને આધીન છે અને રોકાણ કરતા પહેલા કૃપા કરીને તમારા સલાહકારની સલાહ લો.)
